ଅମିତ ଶାହାଙ୍କୁ ପାଗଳ କହିଲେ ଲାଲୁ ଯାଦବ, କାରଣ ଜାଣିଲେ…

ପାଟ୍‌ନା,୧୯ା୧୨: ଭାରତର ସମ୍ବିଧାନର ୭୫ ବର୍ଷର ଗୌରବମୟ ଯାତ୍ରା ଉପରେ ସଂସଦରେ ଆଲୋଚନା ବେଳେ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ଆମ୍ବେଦକରଙ୍କୁ ନେଇ ମନ୍ତବ୍ୟ ଏକ ଆଲୋଡ଼ନ ସୃଷ୍ଟି କରିଛି। ବର୍ତ୍ତମାନ ରାଷ୍ଟ୍ରୀୟ ଜନତା ଦଳ (ଆର୍‌ଜେଡି) ସୁପ୍ରିମୋ ଲାଲୁ ପ୍ରସାଦ ଯାଦବ ଶାହାଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି, ଅମିତ ଶାହା ପାଗଳ ହୋଇଯାଇଛନ୍ତି। ସେ ବାବା ସାହେବ ଆମ୍ବେଦକରଙ୍କୁ ଘୃଣା କରନ୍ତି। ସେ ତାଙ୍କ ପଦରୁ ଇସ୍ତଫା ଦେବା ଉଚିତ। ସେ ରାଜନୀତିରୁ ଅବସର ନେଇ ପଳାଇବା ଉଚିତ୍‌।

ମଙ୍ଗଳବାର ରାଜ୍ୟ ସଭାରେ ସମ୍ବିଧାନ ଉପରେ ଆଲୋଚନା ବେଳେ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ଆମ୍ବେଦକରଙ୍କ ମନ୍ତବ୍ୟକୁ ନେଇ ରାଜନୀତି ତୀବ୍ର ହୋଇଛି। ବିରୋଧୀମାନେ ଘେରି ରହିଛନ୍ତି। ଅଭିଯୋଗ ହୋଇଛି ଯେ, ଶାହା ଆମ୍ବେଦକରଙ୍କୁ ଅପମାନିତ କରିଛନ୍ତି। ଦଳିତଙ୍କୁ ଅପମାନିତ କରାଯାଇଛି।

ବିରୋଧୀ ଦଳ ଅଭିଯୋଗ କରିଛନ୍ତି ଯେ, ଏହି ମନ୍ତବ୍ୟ ଦର୍ଶାଉଛି ଭାଜପା ଏବଂ ଆର୍‌ଏସ୍‌ଏସ୍‌ର ନେତାଙ୍କ ମଧ୍ୟରେ ଆମ୍ବେଦକରଙ୍କ ପ୍ରତି ବହୁତ ଘୃଣା ରହିଛି। ଏହା ପରେ ଶାହା ବିରୋଧୀ ଦଳଙ୍କ ଉପରେ ଖୁବ୍‌ ବର୍ଷିଛନ୍ତି। ସେ କହିଛନ୍ତି, ଏହା ଏକ ଫ୍ୟାଶନରେ ପରିଣତ ହୋଇଛି। ଆମ୍ବେଦକର, ଆମ୍ବେଦକର … ଯଦି ଆପଣ ଭଗବାନଙ୍କ ଏତେ ନାମ ନେଇଥାନ୍ତେ, ତେବେ ଆପଣ ସାତୋଟି ସ୍ବର୍ଗକୁ ଯାଇଥାନ୍ତେ।

ବର୍ତ୍ତମାନ ସଂସଦର ଶୀତକାଳୀନ ଅଧିବେଶନରେ ବିରୋଧୀ ଏହି ପ୍ରସଙ୍ଗକୁ ଜୋରରେ ଉଠାଉଛନ୍ତି। ବିରୋଧ ଏବଂ ବକ୍ତବ୍ୟର ପର୍ଯ୍ୟାୟ ଜାରି ରହିଛି। ବଢୁଥିବା ବିବାଦ ମଧ୍ୟରେ ଶାହା ସ୍ପଷ୍ଟ କରିଛନ୍ତି ଯେ ମୋର ବିବୃତ୍ତିକୁ ବିକୃତ କରି କୁହାଯାଉଛି। ମୁଁ ନୁହେଁ, ବରଂ କଂଗ୍ରେସ କିପରି ଆମ୍ବେଦକରଙ୍କୁ ସର୍ବଦା ଅପମାନିତ କରେ ସେ ଏହା ମଧ୍ୟ କହିଛନ୍ତି।

ଏହାପୂର୍ବରୁ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ ଆମ୍ବେଦକରଙ୍କ ଉପରେଶାହାଙ୍କ ମନ୍ତବ୍ୟ ସମ୍ପର୍କରେ ବୁଧବାର ଏକ ସାମ୍ବାଦିକ ସମ୍ମିଳନୀ କରିଥିଲେ। ସେ କହିଥିଲେ, ମଧ୍ୟରାତ୍ରି ପୂର୍ବରୁ ସ୍ବରାଷ୍ଟ୍ର ମନ୍ତ୍ରୀଙ୍କୁ ବରଖାସ୍ତ କରାଯିବା ଉଚିତ। ମୋଦି ଏବଂ ଶାହା ଜଣେ ଜଣଙ୍କର ପାପ ଏବଂ କଥାକୁ ଘୋଡ଼ାଇଥାନ୍ତି।

ସୌଜନ୍ୟ-ଧରିତ୍ରୀ