ଏଇ ଭାରତରେ

ପ୍ରାଣୀସେବା ମହତ୍‌ କାର୍ଯ୍ୟ, ଏହା ମର୍ମେମର୍ମେ ଉପଲବ୍ଧି କରିଛନ୍ତି ବେଙ୍ଗାଲୁରୁର ହରିଶ୍‌ ଅଲି। ସେ ଜଣେ ବ୍ୟବସାୟୀ । ହରିଶ୍‌ ବେଙ୍ଗାଲୁରୁ ସହରରୁ ଆହତ, ରୋଗଗ୍ରସ୍ତ ଏବଂ ପଙ୍ଗୁ କୁକୁରମାନଙ୍କୁ ଉଦ୍ଧାର କରୁଛନ୍ତି। ଏହି କାର୍ଯ୍ୟ ପାଇର୍ଁ ସେ ‘ସର୍ବୋହମ ଆନିମଲ୍‌ ଫାଉଣ୍ଡେଶନ’ ଗଠନ କରିଛନ୍ତି। ଅଲିଙ୍କୁ ୧୨ ବର୍ଷ ବୟସ ହୋଇ ଥିବାବେଳେ ଗୋଟିଏ ମା’ କୁକୁର ଓ ତା’ ତିନି ଛୁଆଙ୍କୁ ଆଣି ସେମାନଙ୍କ ଯନତ୍ ନେଇଥିଲେ। ସେତେବେଳେ ସ୍କୁଲକୁ ଯିବା ସମୟରେ ସେ ଘରୁ ୨ ଟଙ୍କା ଖର୍ଚ୍ଚ ପାଇଁ ନେଉଥିଲେ ଓ ସେହି ଟଙ୍କାରେ ସେମାନଙ୍କ ଲାଗି ବିସ୍କୁଟ କିଣୁଥିଲେ। ଏହି ଘଟଣା ତାଙ୍କୁ କୁକୁରମାନଙ୍କୁ ଉଦ୍ଧାର କରିବା ସକାଶେ ପ୍ରେରିତ କରିଥିଲା। ହରିଶ୍‌ ଶିକ୍ଷା ଶେଷ କରି ଜଣେ ବ୍ୟବସାୟୀ ହେବା ପରେ ଉଦ୍ଧାର କାର୍ଯ୍ୟକୁ ଗତିଶୀଳ କରିଥିଲେ। ଏବେ ପ୍ରାୟ ୩୦୦୦ କୁକୁରଙ୍କୁ ଉଦ୍ଧାର କରି ସେମାନଙ୍କ ସେବା କରୁଛନ୍ତି। ଚିକିତ୍ସା, ଖାଦ୍ୟ ବାବଦରେ ସବୁ ଖର୍ଚ୍ଚ ସେ ନିଜ ପକେଟରୁ କରୁଛନ୍ତି। ବର୍ତ୍ତମାନ ସୁଦ୍ଧା ହରିଶ୍‌ ଦେଢ଼ କୋଟି ଟଙ୍କା ଖର୍ଚ୍ଚ କରିସାରିଲେଣି।

ସୌଜନ୍ୟ- ଧରିତ୍ରୀ