କମୁନି ‘ପୁଷ୍ପା୨’ କ୍ରେଜ; ୧୫ଦିନରେ ୧୫୦୦କୋଟି ପାର୍

ମୁମ୍ବାଇ,୨୦/୧୨:  ବକ୍ସ ଅଫିସରେ ଧମାକା କରୁଛି ‘ପୁଷ୍ପା ୨’ । ଦିନକୁ ଦିନ ଫିଲ୍ମ ବମ୍ପର କଲେକ୍ସନ ସହ ନୂଆ ସଫଳତା ହାସଲ କରୁଛି ଫିଲ୍ମ । ତେବେ  ଫିଲ୍ମ ରିଲିଜର ୧୫ଦିନରେ ପହଞ୍ଚିଥିବା ବେଳେ ତଥାପି ଫିଲ୍ମର କ୍ରେଜରେ ଲାଗୁନି ବ୍ରେକ । ଦିନକୁ ଦିନ ଫିଲ୍ମ ଦେଖିବାକୁ ପ୍ରେକ୍ଷାଳୟରେ ଜମୁଛି ଭିଡ଼ । ବର୍ତ୍ତମାନ ଫିଲ୍ମ ବିଶ୍ୱରେ ୧୫୦୦କୋଟି କରିଛି ପାର୍ । ‘ପୁଷ୍ପା ୨’ ଭାରତରେ ପ୍ରଥମ ସପ୍ତାହରେ ୭୨୫.୮ କୋଟି ଆୟ କରି ନୂଆ ରେକର୍ଡ କରିଥିଲା । ପୁଣି ଦ୍ୱିତୀୟ ସପ୍ତାହରେ ୨୬୪.୨ କୋଟି ଆୟ କରିଥିଲା । ତେବେ ଫିଲ୍ମ ୧୫ ଦିନରେ ୧୭.୭୫ କୋଟି ଟଙ୍କା ରୋଜଗାର କରିଛି । ଫିଲ୍ମର ମୋଟ କଲେକ୍ସନ ୯୯୦.୭ କୋଟି ହୋଇଛି ।

ସେହିପରି ଏହି ଫିଲ୍ମ ହିନ୍ଦୀ ସଂସ୍କରଣରେ ମୋଟ ୬୨୧.୬ କୋଟି ଟଙ୍କା ଆୟ କରିଥିବା ବେଳେ ତେଲୁଗୁରେ ୨୯୫.୬ କୋଟି ଟଙ୍କା ଆୟ କରିଛି । ଖୁବଶୀଘ୍ର ଫିଲ୍ମ ସମସ୍ତ ଭାଷାରେ ହଜାର କୋଟି ଆୟ କରିବ ବୋଲି ଆଶା କରାଯାଉଛି । ତେବେ ତୃତୀୟ ସପ୍ତାହରେ ପ୍ରବେଶ କରିବା ବେଳକୁ ଏହା ଭାରତୀୟ ଚଳଚ୍ଚିତ୍ର ପାଇଁ ଏକ ନୂତନ ରେକର୍ଡ କରି ଏହି ମାଇଲଖୁଣ୍ଟ ଅତିକ୍ରମ କରିବ ବୋଲି ଆଶା କରାଯାଉଛି ।’ପୁଷ୍ପା ୨’ ମାତ୍ର ୧୫ ଦିନ ମଧ୍ୟରେ ବିଶ୍ୱରେ ୧୫୦୮ କୋଟି ଆୟ କରି ସର୍ବାଧିକ ଆୟ କରିଥିବା ଫିଲ୍ମ ବନିପାରିଛି । ବର୍ତ୍ତମାନ ସୁଦ୍ଧା ‘ପୁଷ୍ପା ୨’ , ପ୍ରଭାସଙ୍କ ‘କଲ୍କି 2898AD’, ‘କେଜିଏଫ୍: ଚାର୍ପ୍ଟର 2′(1215 କୋଟି), ‘RRR’, ‘ଜବାନ’ କୁ ପଛରେ ପକାଇଛି ।

ସୌଜନ୍ୟ-ପ୍ରମେୟ