କାମ୍‌ରାଙ୍କୁ ତୃତୀୟ ସମନ ପଠାଇଲା ମୁମ୍ବାଇ ପୁଲିସ୍‌

ମୁମ୍ବାଇ: ବିବାଦରେ ଛନ୍ଦି ହୋଇ ହୋଇ ଯାଉଛନ୍ତି ହାସ୍ୟ ଅଭିନେତା। ମହାରାଷ୍ଟ୍ରର ମୁମ୍ବାଇ ପୁଲିସ୍‌ ହାସ୍ୟ ଅଭିନେତା କୁନାଲ କାମରାଙ୍କୁ ତୃତୀୟ ସମନ ପଠାଇଛି।

ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କୁ ସମାଲୋଚନା କାମ୍‌ରା କରିଥିବା ବ୍ୟଙ୍ଗକୁ ନେଇ ଏହି ସମନ ପଠାଯାଇଛି। ଏହି ମାମଲାରେ ପୁଲିସ୍‌ ଏକ ଏଫଆଇଆର ରୁଜୁ କରିଛି।

କୁନାଲ କାମରାଙ୍କୁ ମାଡ୍ରାସ ହାଇକୋର୍ଟରୁ ଏପ୍ରିଲ ୭ ପର୍ଯ୍ୟନ୍ତ ମଧ୍ୟବର୍ତ୍ତୀକାଳୀନ ଜାମିନ ମିଳିଛି। ଏହି ସପ୍ତାହର ଆରମ୍ଭରେ ସେ ତଦନ୍ତରେ ଯୋଗଦେବାର ଆଶା କରାଯାଉଥିଲା, କିନ୍ତୁ ସେ ଆସି ନଥିଲେ। ତେଣୁ, ଖାର ପୁଲିସ ତାଙ୍କୁ ତୃତୀୟ ସମନ ପଠାଯାଇଛି। ପୁଲିସ ସୂତ୍ର ଅନୁଯାୟୀ, ତାଙ୍କୁ ଏପ୍ରିଲ ୫ ସୁଦ୍ଧା ତଦନ୍ତରେ ଯୋଗଦେବାକୁ କୁହାଯାଇଛି।

ସୂତ୍ରରୁ ଜାଣିବାକୁ ମିଳିଛି ଯେ ଖାର ପୁଲିସ କିଛି ଦର୍ଶକଙ୍କୁ ନୋଟିସ୍ ପଠାଇଛି। ଫେବ୍ରୁଆରି ୧୨ ତାରିଖରେ ଖାରର ହାବିଟାଟ୍ ଷ୍ଟୁଡିଓରେ କାମରାଙ୍କ ଷ୍ଟାଣ୍ଡ-ଅପ୍ ସୋ’ରେ ଏହି ଦର୍ଶକମାନେ ଉପସ୍ଥିତ ଥିଲେ। କାମରା ସେହି ସୋ’ରେ ସିନ୍ଦେଙ୍କ ବିରୋଧରେ ମନ୍ତବ୍ୟ ଦେଇଥିଲେ।

ନୋଟିସରେ, ଦର୍ଶକମାନଙ୍କୁ ପୁଲିସ ଷ୍ଟେସନକୁ ଆସି ସାକ୍ଷୀ ଭାବରେ ସେମାନଙ୍କର ବୟାନ ରେକର୍ଡ କରିବାକୁ କୁହାଯାଇଛି। ବରିଷ୍ଠ ପୁଲିସ ଅଧିକାରୀମାନେ ଏହି ବିଷୟରେ କୌଣସି ମତାମତ ଦେଇନାହାଁନ୍ତି। ପ୍ରଥମ ମାମଲାରେ ପୁଲିସ ତାଙ୍କୁ ଦୁଇଟି ସମନ ପଠାଇଥିଲା, କିନ୍ତୁ କାମରା ପୁଲିସ ସମ୍ମୁଖରେ ହାଜର ହୋଇ ନଥିଲେ।

ସୌଜନ୍ୟ-ସମ୍ୱାଦ