କାର୍‌ରୁ ମିଳିଲା ନଗଦ ଟଙ୍କା ସହ ରୁପା ଇଟା, ୨ ଗିରଫ

ଖଲ୍ଲିକୋଟ, ୨୯/୧୧: ଜିଏସଟି ଫାଙ୍କି ବ୍ରହ୍ମପୁରରୁ କୋଲକାତାକୁ ରୁପା ଇଟା ଚାଲାଣ ବେଳେ ଧରିଲା ଖଲ୍ଲିକୋଟ ପୋଲିସ । ଚେକିଂ ବେଳେ ଗୋଟିଏ କାରରୁ ୭୩ ଟି ରୁପା ଇଟା ସହିତ ନଗଦ ପାଞ୍ଚ ଲକ୍ଷ ୪୨ ହଜାର ୬୦୦ଟଙ୍କା ଜବତ କଲା ପୋଲିସ । ରୁପା ଇଟାର ଆନୁମାନିକ ମୂଲ୍ୟ ୭୫ ଲକ୍ଷ ଟଙ୍କା ବୋଲି ଜଣା ପଡ଼ିଛି । ଏହି ଘଟଣାରେ ସମ୍ପୃକ୍ତ ଥିବା ୨ ଆସମୀଙ୍କୁ ଗିରଫ କରଯାଇଛି । ଗଞ୍ଜାମ ଜିଲ୍ଲା କେଶପୁର ଛକ ଠାରେ ଏଭଳି ଘଟଣା ଘଟିଛି ।

ସୂଚଚନା ମୁତାବକ, ଏକ କାର୍‌ରେ ଦୁଇଜଣ ଯୁବକ ୭୩ ଟି ରୁପା ଇଟା ସହିତ ନଗଦ ପାଞ୍ଚ ଲକ୍ଷ ୪୨ ହଜାର ୬୦୦ଟଙ୍କା ନେଇ ବ୍ରହ୍ମପୁରରୁ କୋଲକାତାକୁ ଚାଲାଣ କରୁଥିଲେ । ଜିଏସଟି ଫାଙ୍କିବା ପାଇଁ ଏସବୁକୁ ଲୁଚାଇ ନେଉଥିଲେ । ଏହି ସମୟରେ କେଶପୁର ଛକ ଠାରେ ଖଲ୍ଲିକୋଟ ପୋଲିସ ଦ୍ୱାରା ଚେକିଂ ଚାଲିଥିଲା । ଉକ୍ତ ଗାଡ଼ିକୁ ଚେକିଂ କରିବାବେଳେ ୭୩ ଟି ରୁପା ଇଟା ସହିତ ନଗଦ ପାଞ୍ଚ ଲକ୍ଷ ୪୨ ହଜାର ୬୦୦ଟଙ୍କା ଜବତ କରିଛି ପୋଲିସ । ପରେ ଏହି ଘଟଣାରେ ସମ୍ପୃକ୍ତ ଥିବା ଦୁଇ ଜଣ ଅଭିଯୁକ୍ତଙ୍କୁ ଗିରଫ କରି ଗୁଇନ୍ଦା ଟିମ୍‌କୁ ହସ୍ତାନ୍ତର କରିଛି ଖଲ୍ଲିକୋଟ ପୋଲିସ । ତେବେ ଉକ୍ତ ରୁପା ଇଟାର ଆନୁମାନିକ ମୂଲ୍ୟ ୭୫ ଲକ୍ଷ ଟଙ୍କା ବୋଲି ଜଣା ପଡ଼ିଛି।
ସୌଜନ୍ୟ-ପ୍ରମେୟ