କେଏମ୍‌ବିବି ପବ୍ଲିକ୍ ସ୍କୁଲ୍‌ର ବାର୍ଷିକ ଉତ୍ସବ ‘ଉମଙ୍ଗ-୨୦୨୪’

ବାରଙ୍ଗ: ନରଣପୁରସ୍ଥିତ କେଏମ୍‌ବିବି କ୍ୟାମ୍ପସ୍‌-୨ ପରିସରସ୍ଥ କେଏମ୍‌ବିବି ପବ୍ଲିକ୍ ସ୍କୁଲ୍‌ର ପ୍ରଥମ ବାର୍ଷିକ ଉତ୍ସବ ‘ଉମଙ୍ଗ-୨୦୨୪’ ପାଳିତ ହୋଇଯାଇଛି। ଇଷ୍ଟର୍ଣ୍ଣ ମିଡିଆ ଲିମିଟେଡ୍‌ର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ସୌମ୍ୟରଞ୍ଜନ ପଟ୍ଟନାୟଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟଅତିଥି ଭାବେ ବାରବାଟୀ-କଟକ ବିଧାୟିକା ସୋଫିଆ ଫିର୍ଦ୍ଦୋଷ ଯୋଗଦେଇ କହିଥିଲେ ଯେ, ‘ସମ୍ବାଦ’ ଏପରି ଏକ ଆଦର୍ଶ ଅନୁଷ୍ଠାନ, ସେ ଯାହା ବି କରିଛି ସେଥିରେ ସଫଳ ହୋଇଛି। ଏ ଅନୁଷ୍ଠାନର ମୁଖ୍ୟ ସୌମ୍ୟରଞ୍ଜନ ପଟ୍ଟନାୟକଙ୍କ ଠାରୁ ଆରମ୍ଭ କରି ତନୟା ପଟ୍ଟନାୟକ.. ସମସ୍ତେ ଜଣେ ଜଣେ ଆଦର୍ଶ। ଆଦର୍ଶବାନଙ୍କ ଦ୍ୱାରା ଗଢ଼ି ଉଠିଥିବା ଶିକ୍ଷାନୁଷ୍ଠାନର ମାତ୍ର ଏକ ବର୍ଷର କର୍ଯ୍ୟକଳାପ ଦେଖିଲେ ଏହାର ଭବିଷ୍ୟତ ନିଶ୍ଚିତ ଉଜ୍ୱଳ ବୋଲି ମୁଁ ଭାବୁଛି।

ଅଧ୍ୟକ୍ଷ ଶ୍ରୀ ପଟ୍ଟନାୟକ ନିଜ ଅଭିଭାଷଣରେ କହିଥିଲେ ଯେ, ଅନୁଷ୍ଠାନଟି ଅଭିଭାବକମାନଙ୍କର। ଅଭିଭାବକଙ୍କ ସହଯୋଗ ତଥା ଆମମାନଙ୍କ ଉଦ୍ୟମରେ ନିଶ୍ଚିତ ଏହା ଏକ ପ୍ରତିଷ୍ଠିତ ଅନୁଷ୍ଠାନରେ ପରିଣତ ହେବ ଏବଂ ମୁଁ ଦେଖିଥିବା ସ୍ବପ୍ନ ସାକାର ହେବ ବୋଲି ଶ୍ରୀ ପଟ୍ଟନାୟକ କହିଥିଲେ। ସମ୍ମାନିତ ଅତିଥିମାନଙ୍କ ମଧ୍ୟରେ ‘ସମ୍ବାଦ ଶିକ୍ଷା ସମୂହ’ର ଉପାଧ୍ୟକ୍ଷ ଅଭିନିଶ ଶର୍ମା, ‘ସମ୍ବାଦ’ ଗ୍ରୁପ୍‌ ସମ୍ପାଦକ ତନୟା ପଟ୍ଟନାୟକ ଓ କେଏମ୍‌ବିବି ଶିକ୍ଷାନୁଷ୍ଠାନର ନିର୍ଦ୍ଦେଶକ ଡକ୍ଟର ବିଜୁନି ଚରଣ ସୂତାର ଯୋଗଦେଇଥିଲେ। ବିଦ୍ୟାଳୟର ବିଭିନ୍ନ କ୍ଷେତ୍ରରେ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରାଯିବା ପରେ ରାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। କେଏମ୍‌ବିବି ପବ୍ଲିକ୍ ସ୍କୁଲ୍‌ର ଅଧ୍ୟକ୍ଷା କାବେରୀ ସାମଲ ଅତିଥି ପରିଚୟ ଓ ବିବରଣୀ ପାଠ କରିଥିବା ବେଳେ ପ୍ରିୟଙ୍କା ଜେନା କାର୍ଯ୍ୟକ୍ରମ ପରିଚାଳନା କରିଥିଲେ ଓ ସୁଜାତା ମହାନ୍ତି ଧନ୍ୟବାଦ ଦେଇଥିଲେ।

ସୌଜନ୍ୟ-ସମ୍ୱାଦ