କେବେ ପାଳନ କରିବେ ଜୟା ଏକାଦଶୀ ? ଜାଣନ୍ତୁ ସଠିକ୍ ତିଥି ଓ ସମୟ…

ହିନ୍ଦୁ ଶାସ୍ତ୍ର ଅନୁସାରେ ପ୍ରତି ମାସ ଶୁକ୍ଳ ପକ୍ଷ ଓ କୃଷ୍ଣ ପକ୍ଷର ଏକାଦଶୀ ତିଥିରେ ଭଗବାନ ବିଷ୍ଣୁଙ୍କ ପୂଜା ଓ ବ୍ରତ କରିବାର ବିଧି ରହିଛି। ବିଶ୍ବାସ ରହିଛି ଯେ ଏକାଦଶୀ ବ୍ରତ ପାଳନ କରିବା ଦ୍ବାରା ଶ୍ରୀ ହରି ବିଷ୍ଣୁଙ୍କ ଆଶୀର୍ବାଦ ମିଳିଥାଏ। ଏହା ବ୍ୟତୀତ ଜୀବନର ସବୁ ଦୁଃଖ କଷ୍ଟ ଦୂର ହୋଇଥାଏ। ସେହିପରି ମାଘମାସ ଶୁକ୍ଳ ପକ୍ଷର ଏକାଦଶୀ ତିଥିରେ ଜୟା ଏକାଦଶୀର ବ୍ରତ ପାଳନ କରାଯାଏ ।

ବୈଦିକ ପଞ୍ଚାଙ୍ଗ ଅନୁସାରେ , ମାଘ ମାସ ଶୁକ୍ଳ ପକ୍ଷର ଏକାଦଶୀ ତିଥିର ଆରମ୍ଭ  ଫେବୃଆରୀ ୭ ତାରିଖର  ରାତି ୯ଟା ୨୬ ମିନିଟରୁ ହେବ । ସେହିପରିପରଦିନ  ଅର୍ଥାତ ୮ ଫେବୃଆରୀ  ରାତି ୮ ଟା ୧୫ ମିନିଟରେ ଶେଷ ହେବ । ଉଦୟା ତିଥି ଅନୁସାରେ ଚଳିତ ଥର ଜୟା ଏକାଦଶୀ ବ୍ରତ ୮ ଫେବୃଆରୀ ପାଳନ ହେବ । ତେବେ ପଞ୍ଚାଙ୍ଗ ଅନୁସାରେ ଏକାଦଶୀ ବ୍ରତ ପାଳନ ପରଦିନ ଅର୍ଥାତ ଦ୍ବାଦଶୀ ତିଥିରେ କରାଯାଏ । ଏନେଇ ଜୟା ଏକାଦଶୀ ୯ ଫେବୃଆରୀରେ ପାଳନ କରାଯିବ । ଏଥିପାଇଁ ଶୁଭ ମୁହୁର୍ତ୍ତର ଆରମ୍ଭ  ସକାଳ ୭ଟା ୪ ମିନିଟିରୁ  ଆରମ୍ଭ ହୋଇ ୯ଟା ୧୭ ମିନିଟ ଯାଏଁ ରହିବ । ଏହି ସମୟରେ ବ୍ରତର ପାଳନ କରାଯାଇପାରିବ ।

ଜୟା ଏକାଦଶୀ ବ୍ରତ ଭଗବାନ ବିଷ୍ଣୁ ଓ ମା ଲକ୍ଷ୍ମୀଙ୍କୁ ସମର୍ପିତ। ମାନ୍ୟତା ରହିଛି ଯେ, ଏହି ବ୍ରତ କରିବା ଦ୍ବାରା ବ୍ୟକ୍ତିର ଜୀବନରେ ରୋଗ ଦୂର ହୋଇ ଆରୋଗ୍ୟ ପ୍ରାପ୍ତି ହୋଇଥାଏ। ଏଥିସହ ଏହି ବ୍ରତ କରିବା ଦ୍ବାରା ବ୍ୟକ୍ତିକୁ ପାପରୁ ମୁକ୍ତି ମିଳିଥାଏ ଓ ବ୍ୟକ୍ତି ବୈକୁଣ୍ଠ ଧାମ ପ୍ରାପ୍ତ କରିଥାଏ। ଏହା ବ୍ୟତୀତ ଏକାଦଶୀ ତିଥି ନାମରୁ ହିଁ ଜଣାପଡ଼ିଥାଏ ଯେ ଏହି ବ୍ରତଦ୍ବାରା ବ୍ୟକ୍ତି ଜଣକ ସବୁ କାର୍ଯ୍ୟରେ ବିଜୟ ଲାଭ କରିଥାଏ।