Breaking News

କୋଣାର୍କ ସୂର୍ଯ୍ୟମନ୍ଦିରରେ ଏଏସଆଇ । ଗର୍ଭଗୃହରୁ ବାଲି କାଢ଼ିବା ପ୍ରକ୍ରିୟାର ସ୍ଥିତି ଅନୁଧ୍ୟାନ ପାଇଁ ପହଞ୍ଚିଲେ ଟିମ୍

କୋଣାର୍କ ସୂର୍ଯ୍ୟମନ୍ଦିରରେ ଏଏସଆଇ । ଗର୍ଭଗୃହରୁ ବାଲି କାଢ଼ିବା ପ୍ରକ୍ରିୟାର ସ୍ଥିତି ଅନୁଧ୍ୟାନ ପାଇଁ ପହଞ୍ଚିଲେ ଟିମ୍ । ସଂରକ୍ଷଣ ଓ ରକ୍ଷଣାବେକ୍ଷଣ ନେଇ ଉଚ୍ଚସ୍ତରୀୟ ବୈଠକରେ ଆଲୋଚନା।

କନକ ବ୍ୟୁରୋ: ସୂର୍ଯ୍ୟ ମନ୍ଦିରରୁ ବାଲି କାଢିବା, ସଂରକ୍ଷଣ ଓ ରକ୍ଷଣା ବେକ୍ଷଣକୁ ନେଇ ଏଏସଆଇର ଉଚ୍ଚସ୍ତରୀୟ ବୈଠକ ହେବ । ଏଏସଆଇର ଅତିରିକ୍ତ ଡିଜି ଜାହ୍ନବୀ ଶର୍ମାଙ୍କ ଅଧ୍ୟକ୍ଷତାରେ ବୈଠକରେ ଏଏସଆଇ ସୁପରିଟେଣ୍ଡେଣ୍ଟ ଜି ବି ଗଡ଼ନାୟକ ଓ ଅନେକ ବିଶେଷଜ୍ଞଙ୍କ ସହ ସରକାରୀ ଅଧିକାରୀ ଉପସ୍ଥିତ ରହିବେ। ଏଥିରେ ଆଇଆଇଟି ଦିଲ୍ଲୀଆଇଆଇଟି ଖଡ଼ଗପୁର ଆଇଆଇଟି ଚେନ୍ନାଇ ଓ କୋର କମିଟିର ୧୫ ଜଣିଆ ସଦସ୍ୟ ଏବଂ ଷ୍ଟ୍ରକଚରାଲ କଂଜରଭେଟର ଆଦି ଉପସ୍ଥିତ ରହିଛନ୍ତି । ଏଏସଆଇ ପକ୍ଷରୁ ବାଲି କଢ଼ାକୁ ନେଇ ପ୍ରସ୍ତୁତି ଆରମ୍ଭ ହୋଇଥିବା ବେଳେ କିଭଳି ସୁରକ୍ଷିତ କଢ଼ାଯିବ ଓ ମନ୍ଦିର ସୁରକ୍ଷିତ ରହିବ ତା ଉପରେ ପ୍ରସ୍ତୁତ ହେବ ଆକ୍ସନ ପ୍ଲାନ। ୨୦୨୨ ନଭେମ୍ବର ମାସରେ କୋଣାର୍କ ସୂର୍ଯ୍ୟ ମନ୍ଦିର ଭିତରେ ଭୂମିପୂଜନ ହୋଇ ଆରମ୍ଭ ହୋଇଥିଲା କାର୍ଯ୍ୟକ୍ରମ। ୩ ବର୍ଷ ମଧ୍ୟରେ ବାଲି କାଢ଼ିବା ପକ୍ରିୟା ସମ୍ପୂର୍ଣ୍ଣ ହେବ ବୋଲି ପୂର୍ବତନ ଏଏସଆଇ ସୁପରିଡେଣ୍ଟଟ ଅରୁଣ ମଲ୍ଲିକ ସୂଚନା ଦେଇଥିଲେ ।

ସୌଜନ୍ୟ-କନକ

Comments are closed.