କ୍ଷୀର ଟ୍ୟାଙ୍କରକୁ ଧକ୍କା ଦେଲା ହାଇୱା: ୨ ଡ୍ରାଇଭର ଫେରାର

ସାଲେପୁର: କଟକ ଜିଲ୍ଲାର ସାଲେପୁର ଥାନା ସୀମା ଅନ୍ତର୍ଗତ ବୋଡାମୁଣ୍ଡାଇ ଛକରେ ଏକ କ୍ଷୀର ଟ୍ୟାଙ୍କରକୁ ବେଆଇନ ଭାବେ ବାଲି ପରିବହନ କରୁଥିବା ହାଇୱା ଧକ୍କା ଦେଇଥିଲା। ଘଟିଥିବା ଏହି ଦୁର୍ଘଟଣାରେ ହାଇୱା ଡ୍ରାଇଭର ଗୁରୁତର ଆହତ ହୋଇଥିବା କୁହାଯାଉଛି।

ସୂଚନା ଅନୁଯାୟୀ, ଗତକାଲି ରାତିରେ  ବୋଡାମୁଣ୍ଡାଇ ଛକରେ ଏହି ଦୁର୍ଘଟଣା ଘଟିଥିଲା। ଦୁର୍ଘଟଣା ପରେ ଉଭୟ ଗାଡ଼ିର ଡ୍ରାଇଭରମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ।

ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଗାଡିଗୁଡ଼ିକୁ ଜବତ କରିଛି। ସରକାର ବାଲି ପରିବହନ ଉପରେ କଟକଣା ଲଗାଇଥିବାବେଳେ ହାଇୱା ଗାଡିଟି ବେଆଇନ ଭାବରେ ବାଲି ପରିବହନ କରୁଥିବା ପୁଲିସ ପକ୍ଷରୁ ସୂଚନା ପ୍ରଦାନ କରାଯାଇଛି ପୁଲିସ ଏହି ଘଟଣାର ତଦନ୍ତ ଆରମ୍ଭ କରିଛି।

ସୌଜନ୍ୟ-ସମ୍ୱାଦ