ଖୁସି ଖବର: ବିନା ଟିକେଟ ବୁକିଂରେ ଏହି ଷ୍ଟାଡିୟମରେ ମାଗଣାରେ ଦେଖିପାରିବେ ବିରାଟଙ୍କ ଦମଦାର ଖେଳ

ନୂଆଦିଲ୍ଲୀ,୨୫।୧: ବିରାଟ କୋହଲି ଏବେ ସମ୍ପୂର୍ଣ୍ଣ ଫିଟ ଅଛନ୍ତି ଏବଂ ଖୁବ ଶୀଘ୍ର ତାଙ୍କୁ ଆକ୍ସନରେ ଦେଖିବାକୁ ମିଳିବ। ଇଂଲଣ୍ଡ ସହିତ ଖେଳାଯିବାକୁ ଥିବା ଏକଦିବସୀୟ ସିରିଜ ପୂର୍ବରୁ, କୋହଲି ଦିଲ୍ଲୀ ପାଇଁ ରଣଜୀ ଟ୍ରଫି ଖେଳିବାର ଦେଖାଯିବେ। ଏବେ କ୍ରିକେଟ ପ୍ରେମୀଙ୍କ ପାଇଁ ଏକ ଖୁସି ଖବର ଅଛି ଯେ ସେମାନେ ଷ୍ଟାଡିୟମରେ ମାଗଣା ପ୍ରବେଶ ସହିତ ବିରାଟଙ୍କ ଖେଳ ଦେଖିପାରିବେ।
ଦିଲ୍ଲୀ ଦଳ ଏହାର ପରବର୍ତ୍ତୀ ରଣଜୀ ଟ୍ରଫି ମ୍ୟାଚ ରେଲୱେ ବିପକ୍ଷରେ ଖେଳିବ। କୁହାଯାଉଛି କି ବିରାଟ କୋହଲି ମଧ୍ୟ ଏହି ମ୍ୟାଚରେ ଦିଲ୍ଲୀ ଦଳର ଅଂଶ ହେବେ।
ଏବେ ଏକ ବଡ଼ ଅପଡେଟ ଆସିଛି ଯେ ଜାନୁଆରୀ ୩୦ରୁ ଆରମ୍ଭ ହେଉଥିବା ଏହି ମ୍ୟାଚ ସମୟରେ ପ୍ରଶଂସକଙ୍କ ପାଇଁ ପ୍ରବେଶ ସମ୍ପୂର୍ଣ୍ଣ ମାଗଣା ରହିବ। ଅର୍ଥାତ୍‌ ୪ ଦିନ ଧରି ଚାଲିବାକୁ ଥିବା ଏହି ମ୍ୟାଚ ସମୟରେ, ପ୍ରଶଂସକମାନେ ଅରୁଣ ଜେଟଲି ଷ୍ଟାଡିୟମରେ ପହଞ୍ଚି ବିରାଟ କୋହଲିଙ୍କ ଖେଳ ଦେଖିପାରିବେ। ତଥାପି, ଏହାର ସରକାରୀ ସୂଚନା ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ। ଆହୁରି ମଧ୍ୟ କୁହାଯାଉଛି କି ୧୦,୦୦୦ ପ୍ରଶଂସକଙ୍କ ପାଇଁ ମାଗଣା ପ୍ରବେଶର ବ୍ୟବସ୍ଥା କରାଯାଉଛି।

ସୌଜନ୍ୟ-ଧରିତ୍ରୀ