ଗାଜା ହସ୍ପିଟାଲ୍‌ ଉପରେ ବୋମାମାଡ଼, ୪୮ ମୃତ

ଗାଜା: ଗାଜାର ଏକ ହସ୍ପିଟାଲ୍‌ ଉପରେ ଇସ୍ରାଏଲ ଆଜି ପ୍ରଚଣ୍ଡ ଆକ୍ରମଣ କରିଛି। ଏହି ଆକ୍ରମଣରେ ୪୮ ଜଣଙ୍କର ମୃତ୍ୟୁ ହୋଇଛି ଏବଂ ୨୦୧ ଜଣ ଆହତ ହୋଇଛନ୍ତି। ନସିର ହସ୍ପିଟାଲ୍‌ ଉପରେ ଇସ୍ରାଏଲ ସେନା ବୋମାମାଡ଼ କରିଥିବା ହସ୍ପିଟାଲ୍‌ ନିର୍ଦ୍ଦେଶକ କହିଛନ୍ତି। ଅନ୍ୟପକ୍ଷେ ଅଭିଯୋଗ ହୋଇଛି ଯେ ଇସ୍ରାଏଲ ଗାଜାକୁ ମାନବୀୟ ସହାୟତା ପହଞ୍ଚାଇବାରେ ବାଧକ ସାଜିଛି। ଜାତିସଂଘ ରିଲିଫ୍‌ ସଂସ୍ଥାର ଜଣେ ଇମର୍ଜେନ୍ସି ଅଫିସର କହିଛନ୍ତି, ଗାଜାରେ ମାନବୀୟ ସ୍ଥିତି ବିପର୍ଯ୍ୟୟ ହେବାରେ ଲାଗିଛି। ଲକ୍ଷାଧିକ ଲୋକ ଓଳିଏ ଖାଇ ରହୁଛନ୍ତି ଏବଂ ଲୋକେ ବ୍ରେଡ୍‌ ଖଣ୍ଡେ ପାଇଁ ନେହୁରା ହେଉଥିବା ଆମେ ଦେଖୁଛୁ। ଗାଜା ଷ୍ଟ୍ରିପ୍‌ର ବିଭିନ୍ନ ସ୍ଥାନକୁ ମାନବୀୟ ସହାୟତା ପହଞ୍ଚାଇବାରେ ଇସ୍ରାଏଲ ବାଧା ସୃଷ୍ଟି କରିଥିବା ରିଲିଫ୍‌ ଅଫିସର କହିଛନ୍ତି।

ସୌଜନ୍ୟ-ସମ୍ୱାଦ