ଚମକାଇବା ଭଳି ଦାବି କଲେ ଅଖିଳେଶ ଯାଦବ, କହିଲେ ମୁଖ୍ୟମନ୍ତ୍ରୀଙ୍କ ଘର ତଳେ ରହିଛି ଶିବଲିଙ୍ଗ!

ଲକ୍ଷ୍ନୌ,୩୦।୧୨: ଆଜିକାଲି ବିଭିନ୍ନ ସ୍ଥାନରେ ଖନନ ସମୟରେ ମନ୍ଦିର ଓ କୂଅ ମିଳିବା ନେଇ ଉତ୍ତରପ୍ରଦେଶର ରାଜନୀତିରେ ଚର୍ଚ୍ଚାର ବିଷୟ ପାଲଟିଛି। ସମ୍ଭଲରୁ ଆରମ୍ଭ ହୋଇଥିବା ଏହି ପ୍ରସଙ୍ଗ ପରେ ୟୁପିର ବିଭିନ୍ନ ସ୍ଥାନରେ ମନ୍ଦିର ଏବଂ ଶିବଲିଙ୍ଗା ଖୋଜିବା ଦାବି କରାଯାଉଛି। ନ୍ୟୁଜ ଏଜେନ୍ସି ପିଟିଆଇ ଅନୁଯାୟୀ, ସମାଜବାଦୀ ପାର୍ଟି ସଭାପତି ଅଖିଳେଶ ଯାଦବ ରବିବାର (୨୯ ଡିସେମ୍ବର) ଏକ ବଡ଼ ଦାବି କରିଛନ୍ତି। ସେ କହିଛନ୍ତି ଯେ ଲକ୍ଷ୍ନୌରେ ମୁଖ୍ୟମନ୍ତ୍ରୀଙ୍କ ବାସଭବନ ତଳେ ଏକ ଶିବଲିଙ୍ଗ ଅଛି ଯେଉଁଠାରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରହୁଛନ୍ତି। ସେମାନଙ୍କର ଦାବି ହେଉଛି ଏହା ମଧ୍ୟ ଖନନ କରାଯିବା ଉଚିତ୍‌। ସୂଚନା ଅନୁଯାୟୀ, ଏସପି ମୁଖ୍ୟାଳୟରେ ଗଣମାଧ୍ୟମ ସହ କଥାବାର୍ତ୍ତା ବେଳେ ଅଖିଳେଶ ଯାଦବ ଏହି ବିବୃତ୍ତି ଦେଇଛନ୍ତି।

ଭାଜପା ସରକାରକୁ ଲକ୍ଷ୍ୟ କରି ଅଖିଳେଶ ଯାଦବ କହିଛନ୍ତି ଯେ ଲୋକଙ୍କ ଦୃଷ୍ଟି ଆକର୍ଷଣ କରିବା ପାଇଁ ସରକାର ଜାଣିଶୁଣି ନୂତନ ପଦ୍ଧତି ଅବଲମ୍ବନ କରୁଛନ୍ତି। ସେ ଆହୁରି ମଧ୍ୟ ଅଭିଯୋଗ କରିଛନ୍ତି ଯେ ସରକାର ବିକାଶ ପରିବର୍ତ୍ତେ ବିନାଶ ଦିଗରେ ଗତି କରୁଛନ୍ତି । ଅଖିଳେଶ କହିଛନ୍ତି ଯେ ଅନେକ ସ୍ଥାନରେ ଖନନ କାର୍ଯ୍ୟ ଚାଲିଛି, କିନ୍ତୁ ବାସ୍ତବରେ ରାଜ୍ୟରେ କୌଣସି ବିକାଶ ଯୋଜନା ନାହିଁ।

ସୌଜନ୍ୟ-ଧରିତ୍ରୀ