‘ଜାତୀୟ ନାଟ୍ୟ ପର୍ବ’ର ତୃତୀୟ ସନ୍ଧ୍ୟାରେ ‘ରଂଗଭୂମି’: ସାମ୍ବାଦିକ ଧୃତିକାମ ମହାନ୍ତି ଓ ରଶ୍ମିରଂଜନ ସ୍ୱାଇଁଙ୍କୁ ‘ଇଟ୍ ଗଣମାଧ୍ୟମ’ ସମ୍ମାନ

ଭୁବନେଶ୍ବର: ଇଣ୍ଟରନ୍ୟାସନାଲ୍‌ ଥିଏଟର (ଇଟ୍)ର ସୁବର୍ଣ୍ଣ ଜୟନ୍ତୀ ଅବସରରେ ‌ଆୟୋଜିତ ‘ଜାତୀୟ ନାଟ୍ୟ ପର୍ବ’ ତୃତୀୟ ସନ୍ଧ୍ୟାରେ ଓଡ଼ିଆ ନାଟକ ‘ରଂଗଭୂମି’ ମଞ୍ଚସ୍ଥ ହୋଇଛି। ବରଗଡ଼ ପଦ୍ମପୁରର ‘ଲୁ’ ନାଟ୍ୟାନୁଷ୍ଠାନର କଳାକାରମାନେ ନାଟକ ପରିବେଷଣ କରିଥିଲେ। ନାଟକ ରଚନା ମୁନସୀ ‌ପ୍ରେମ୍‌ଚାନ୍ଦ କରିଥିବା ବେଳେ ନିର୍ଦ୍ଦେଶନା ଦେଇଛନ୍ତି ଜଗନ୍ନାଥ ସେଠୀ।

ସନ୍ଧ୍ୟାରେ ଅତିଥି ଭାବେ ଉତ୍କଳ ସଂସ୍କୃତି ବିଶ୍ୱବିଦ୍ୟାଳୟର ପୂର୍ବତନ କୁଳପତି ନରେନ୍ଦ୍ର ମିଶ୍ର, ଦୂରଦର୍ଶନର ପୂର୍ବତନ ନିର୍ଦ୍ଦେଶକ ଶାନ୍ତନୁ ରଥ, ଓଡ଼ିଶା ନାଟ୍ୟ ସଂଘ ସଭାପତି ତଥା ନାଟ୍ୟ ନିର୍ଦ୍ଦେଶକ ମନୋଜ ପଟ୍ଟନାୟକ ଓ ଅନୁସୂଚିତ ଜାତି ଓ ଜନଜାତି ବିଭାଗ ନିର୍ଦ୍ଦେଶକ ଇନ୍ଦ୍ରମଣି ତ୍ରିପାଠୀ ଯୋଗଦେଇ କଳାକାରଙ୍କୁ ଉତ୍ସାହିତ କରିଥିଲେ। ଏହି ଅବସରରେ ଲଲାଟେନ୍ଦୁ ମହାନ୍ତଙ୍କୁ ‘ଇଟ୍ ସମ୍ମାନ’ ଏବଂ ବରିଷ୍ଠ ସାମ୍ବାଦିକ ଧୃତିକାମ ମହାନ୍ତି ଓ ରଶ୍ମିରଂଜନ ସ୍ୱାଇଁଙ୍କୁ ‘ଇଟ୍ ଗଣମାଧ୍ୟମ ସମ୍ମାନ’ରେ ସମ୍ମାନିତ କରାଯାଇଥିଲା। କାର୍ଯ୍ୟକ୍ରମକୁ ସୁଧାଂଶୁ ଦ୍ବିବେଦୀ ସଂଯୋଜନା କରିଥିବା ବେଳେ ଅନୁଷ୍ଠାନର ନିର୍ଦ୍ଦେଶକ ମିହିର ମେହେର ପରିଚାଳନା କରିଥିଲେ।

ସୌଜନ୍ୟ-ସମ୍ୱାଦ