ଜାନୁଆରୀ ୧୫ ପରେ ସୁଭଦ୍ରା ଚତୁର୍ଥ ପର୍ଯ୍ୟାୟ ଟଙ୍କା

ଭୁବନେଶ୍ଵର, ୦୪/୦୧ : ଜାନୁଆରୀ ୧୫ ପରେ ମିଳିବ ସୁଭଦ୍ରା ପ୍ରଥମ କିସ୍ତିର ଚତୁର୍ଥ ପର୍ଯ୍ୟାୟ ଟଙ୍କା। ସୂଚନା ଦେଲେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା। ସେ କହିଛନ୍ତି ଯେ, ମାର୍ଚ୍ଚ ୩୦ରେ ଆବେଦନ କଲେ ବି ଏକାଥରେ ସୁଭଦ୍ରାର ୨ଟି କିସ୍ତି ମିଳିବ। ଗାଁର ଶେଷ ହିତାଧିକାରୀ ଆବେଦନ ନକଲା ଯାଏଁ ପଞ୍ଜିକରଣ ଚାଲିବ। ପ୍ରଥମ କିସ୍ତି ମିଳିବାର ଶେଷ ତାରିଖ ମାର୍ଚ୍ଚ ୮ ଥିଲା, କିନ୍ତୁ ମାର୍ଚ୍ଚ ୩୦ପରେ ଆବେଦନ କଲେବି ପ୍ରଥମ କିସ୍ତି ଟଙ୍କା ମିଳିବ। ଏଥିପାଇଁ ବ୍ୟାଙ୍କ ଗୁଡିକ ସହିତ ବୈଠକ ସରିଲାଣି।

ଉପମୁଖ୍ୟମନ୍ତ୍ରୀ ପୁଣି କହିଛନ୍ତି ଯେ, ଏବେ ଅଙ୍ଗନବାଡି ଦିଦିମାନେ ଘର ଘର ବୁଲୁଛନ୍ତି। ଯାହାର ୫ ଏକର ଜମି ଅଛି କି ନାହିଁ, ସେହି ଦ୍ଵନ୍ଦ ପାଇଁ ଡିସେମ୍ଵର ୩୦ ଯାଏଁ ତଦନ୍ତ ହେବ ବୋଲି କୁହାଯାଇଥିଲା। ଏହି ସମୟ ଅବଧିକୁ ଜାନୁଆରୀ ୧୫ ଯାଏଁ ବୃଦ୍ଧି କରାଯାଇଛି। ତେଣୁ ଜାନୁଆରୀ ୧୫ପରେ ପ୍ରଥମ କିସ୍ତିର ଚତୁର୍ଥ ପର୍ଯ୍ୟାୟ ଟଙ୍କା ମିଳିବ।

ସୌଜନ୍ୟ-ପ୍ରମେୟ