ଟାଇଗର ଶ୍ରଫ ବହୁ ଚର୍ଚ୍ଚିତ ଫିଲ୍ମ ‘ବାଗି ୪’ , ଅଭିନେତ୍ରୀ ଭୂମିକାରେ ନଜର ଆସିବେ ହରନାଜ କୌର ସାନ୍ଧୁ

ମୁମ୍ବାଇ,୧୨/୧୨:  ବଲିଉଡ ଅଭିନେତା ଟାଇଗର ଶ୍ରଫ ବହୁ ଚର୍ଚ୍ଚିତ ଫିଲ୍ମ ‘ବାଗି ୪’ କମବ୍ୟାକ୍ କରିବାକୁ ଯାଉଛନ୍ତି । ଏନେଇ ନିକଟରେ ଫିଲ୍ମ ନିର୍ମାତା ଅଭିନେତାଙ୍କ ଏକ ପୋଷ୍ଟର ସେୟାର କରି ତାଙ୍କର ଲୁକ୍ ସେୟାର କରିଥିଲେ । ସେହିପରି ଫିଲ୍ମରେ ଖଳନାୟକ ଭୂମିକାରେ ସଞ୍ଜୟ ଦତ୍ତ ନଜର ଆସିବାକୁ ଯାଉଥିବା ବେଳେ  ବର୍ତ୍ତମାନ ଫିଲ୍ମର ହିରୋଇନ କିଏ ହେବେ ତାକୁ ନେଇ ଚର୍ଚ୍ଚା ଜୋର ଧରିଥିଲା । ଯାହାପରେ  ନିର୍ମାତା ଅଭିନେତ୍ରୀଙ୍କ ନାଁ ନିଶ୍ଚିନ୍ତ କରିଛନ୍ତି । ତେବେ ଜାଣନ୍ତୁ ସେ କିଏ ?

ମିସ୍ ୟୁନିଭର୍ସ ହରନାଜ କୌର ସାନ୍ଧୁ ‘ବାଗି ୪’ରେ ନଜର ଆସିବେ । ଏହି ଫିଲ୍ମ ସହ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି। ବାଗୀ ୪ ନିର୍ମାତା ଆଜି ଏହା ନିଶ୍ଚିତ କରିଛନ୍ତି । ଗୁରୁବାର ଦିନ ନାଦିଆଡୱାଲା ଗ୍ରାଣ୍ଡସନ ହରନାଜ କୌର ସାନ୍ଧୁଙ୍କ ଏକ ଫଟୋ ତାଙ୍କ ଅଫିସିଆଲ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି ଏବଂ ନିଶ୍ଚିତ କରିଛନ୍ତି ଯେ ସେ ତାଙ୍କ ‘ବାଗୀ ୪’ ଟିମରେ ଯୋଗ ଦେଉଛନ୍ତି। ସେ ଏହି ପୋଷ୍ଟର କ୍ୟାପସନରେ ଲେଖିଛନ୍ତି,’ମିସ୍ ୟୁନିଭର୍ସଠାରୁ ରିବେଲ ୟୁନିଭର୍ସ ପର୍ଯ୍ୟନ୍ତ । ‘ବାଗୀ ୪’ ରେ ଆମର ନୂତନ ବିଦ୍ରୋହୀ ଲେଡି ହରନାଜ ସାନ୍ଧୁଙ୍କୁ ପରିଚିତ କରାଇଛୁ ।’ ପ୍ରକାଶ ଥାଉକି,  ହରନାଜ ସାନ୍ଧୁ ମଧ୍ୟ ପୂର୍ବରୁ ଅଭିନୟ କରିଛନ୍ତି । ସେ ପଞ୍ଜାବର ୩ଟି ଫିଲ୍ମରେ ଅଭିନୟ କରିଛନ୍ତି । ମିସ୍ ୟୁନିଭର୍ସ ପୂର୍ବରୁ ପଞ୍ଜାବୀ ଭାଷା ଚଳଚ୍ଚିତ୍ର ‘ବାଇ ଜୀ କୁଟାନେଜ୍’ ଏବଂ ‘ୟାରାଁ ଦିଆଁ ପୌନ ବାରାଁ’ରେ ଅଭିନୟ କରିଥିଲେ । ଆଉ ଏବେ ସେ ‘ବାଗୀ ୪’ ସହ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି।

ସୌଜନ୍ୟ-ପ୍ରମେୟ