ଟ୍ରେନ୍‌ରେ ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ

ରାଜସୁନାଖଳା: ଯାନ୍ତ୍ରିକ ତ୍ରୁଟି ଯୋଗୁଁ ନୟାଗଡ଼ ଜିଲ୍ଲା ରଣପୁର ବ୍ଲକ୍‌ ରାଜସୁନାଖଳା ଷ୍ଟେସନରେ ଭୁବନେଶ୍ୱର-ଦଶପଲ୍ଲା ମେମୁ ଟ୍ରେନ୍‌ରେ ନିଆଁ ଲାଗିଯାଇଥିଲା। ନିଆଁରେ ଟ୍ରେନ୍‌ ବଗି କ୍ଷତିଗ୍ରସ୍ତ ହୋଇଥିବାବେଳେ ଯାତ୍ରୀମାନେ ସୁରକ୍ଷିତ ଉଦ୍ଧାର ହୋଇଛନ୍ତି। ବୁଧବାର ସନ୍ଧ୍ୟାରେ ଭୁବନେଶ୍ୱରରୁ ଦଶପଲ୍ଲା ଅଭିମୁଖେ ଆସୁଥିବା ମେମୁ ଟ୍ରେନ୍‌ର ଶେଷ ବଗିରୁ ଧୂଆଁ ବାହାରିବାରୁ ଯାତ୍ରୀମାନେ ସୁନାଖଳା ଷ୍ଟେସନ ପୂର୍ବରୁ ବିପଦସୂଚକ ଚେନ୍‌କୁ ଭିଡ଼ିଥିଲେ। ଟ୍ରେନ୍‌ ଅଟକିବା ପରେ ୮୦୦ରୁ ଊର୍ଦ୍ଧ୍ବ ଯାତ୍ରୀ ଗାଡ଼ିରୁ ଓହ୍ଲାଇ ପଡ଼ିଥିବା ବେଳେ ନିଆଁକୁ ଆୟତ୍ତ କରାଯାଇଥିଲା। ଯାନ୍ତ୍ରିକ ତ୍ରୁଟି କାରଣରୁ ଟ୍ରେନ୍‌ରେ ନିଆଁ ଲାଗିଥିଲା ବୋଲି ଷ୍ଟେସନ୍‌ ପରିଚାଳକ ପଦ୍ମଲୋଚନ ଜେନା ପ୍ରକାଶ କରିଛନ୍ତି।

ସୌଜନ୍ୟ-ସମ୍ୱାଦ