ଦିବ୍ରୁଗଡ଼ରେ ଏମର୍ଜେନ୍ସି ଲ୍ୟାଣ୍ଡିଂ ଫ୍ୟାସିଲିଟିର ଶୁଭାରମ୍ଭ, ଜାଣନ୍ତୁ ଏହା ବିଷୟରେ ସବୁକିଛି

ନୂଆଦିଲ୍ଲୀ: ଦେଶର ସାମରିକ ଶକ୍ତିରେ ଆଜି ଏକ ନୂଆ ଆଧ୍ୟାୟ ଯୋଡ଼ି ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବାୟୁସେନାର ସ୍ୱତନ୍ତ୍ର ବିମାନରେ ଆସାମର ଦିବ୍ରୁଗଡ଼ ଜିଲ୍ଲାର ମୋରାନ ବାଇପାସରେ ନିର୍ମିତ ଏମର୍ଜେନ୍ସି ଲ୍ୟାଣ୍ଡିଂ ସୁବିଧାରେ ଅବତରଣ କରିଛନ୍ତି । ପ୍ରଧାନମନ୍ତ୍ରୀ ମୋଦୀଙ୍କ ଲ୍ୟାଣ୍ଡିଂ ସହ ହାଇୱରେ ଉପରେ ସ୍ଥିତ ଏହି ସାମରିକ ଘାଟି ବାୟୁସେନାର ରଣନୀତିକ ନେଟୱାର୍କର ଅଂଶ ହୋଇଛି ।

ଏହି ଏମର୍ଜେନ୍ସି ଲ୍ୟାଣ୍ଡିଂ ଫେସିଲିଟି ଉପର ଆସାମରେ ଏକ ହାଇୱେ ଷ୍ଟ୍ରିପରେ ନିର୍ମାଣ କରାଯାଇଛି । ଏହାକୁ ଯୁଦ୍ଧ କିମ୍ୱା ଜରୁରୀକାଳୀନ ସ୍ଥିତିରେ ଯୁଦ୍ଧ ବିମାନ, ଟ୍ରାନ୍ସପୋର୍ଟ ଏୟାରକ୍ରାଫ୍ଟ ଓ ହେଲିକପ୍ଟର ପାଇଁ ଏକ ବୈକଳ୍ପିକ ଲ୍ୟାଣ୍ଡିଂ ସୁବିଧା ପ୍ରଦାନ କରିବ । ଏହା ପୂର୍ବୋତ୍ତର ଭାରତରେ ସୁରକ୍ଷା ଓ ରଣନୀତିକ ପ୍ରସ୍ତୁତିର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଅଟେ ।

ଜରୁରୀକାଳୀନ ଅବତରଣ ସୁବିଧା ହେଉଛି ଏକ ହାଇୱେ ଷ୍ଟ୍ରିପ୍ ଯାହା ସାଧାରଣତଃ ଯାନବାହାନକୁ ସେବା ଯୋଗାଇଥାଏ କିନ୍ତୁ ଆବଶ୍ୟକ ହେଲେ ଏହାକୁ ବିମାନ ଅବତରଣ ଏବଂ ଉଡ଼ାଣ ପାଇଁ ରନୱେରେ ପରିଣତ କରାଯାଇପାରିବ । ଡିବ୍ରୁଗଡ଼ ଇଏଲଏଫ୍ ଉପର ଆସାମରେ ଅବସ୍ଥିତ, ଯାହା ଭାରତ-ଚୀନ୍ ସୀମା ନିକଟରେ ରହିଛି ।

ଆସାମର ଦିବ୍ରୁଗଡ଼ରେ ଥିବା ଜରୁରୀକାଳୀନ ଅବତରଣ ସୁବିଧା (ELF) ବ୍ୟତୀତ, ଦେଶର ପାଞ୍ଚଟି ସ୍ଥାନରେ ଏହି ସୁବିଧା ଉପଲବ୍ଧ। ଏହି ସୁବିଧା ରାଜସ୍ଥାନର ବାର୍ମର (NH-୯୨୫A), ଉତ୍ତର ପ୍ରଦେଶର ଆଗର-ଲକ୍ଷ୍ନୌ ଏକ୍ସପ୍ରେସୱେ ଏବଂ ପୂର୍ବାଞ୍ଚଳ ଏକ୍ସପ୍ରେସୱେ ସହିତ ଓଡ଼ିଶାର ବାଲେଶ୍ଵର (NH-୧୬) ଏବଂ ଆନ୍ଧ୍ର ପ୍ରଦେଶର ନେଲୋର (NH-୧୬)ରେ ଏହି ପରି ସୁବିଧା ରହିଛି । ଭାରତୀୟ ବାୟୁସେନା ଏବଂ ଏନଏଚଏଆଇ ମିଳିତ ଭାବରେ ଦେଶର ୨୮ଟି ସ୍ଥାନରେ ଏହି ସୁବିଧା ବିକଶିତ କରିବାକୁ ଯୋଜନା କରିଛନ୍ତି । ଆସାମରେ ହାଇୱେ-ଭିତ୍ତିକ ଜରୁରୀକାଳୀନ ଅବତରଣ ସୁବିଧା (ELF) ର ଏକ ପ୍ରମୁଖ ବିଶେଷତ୍ୱ ହେଉଛି ଏହା ଚୀନ ସୀମା ନିକଟରେ ଅବସ୍ଥିତ ।

ସୌଜନ୍ୟ Prameya News7