ଦିଲ୍ଲୀରେ ଚାଲିବ ଡବଲ୍‌ ଇଞ୍ଜିନ୍‌ ସରକାର: ଅମିତ ଶାହ

ନୂଆଦିଲ୍ଳୀ: କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମଙ୍ଗଳବାର ଦାବି କରିଛନ୍ତି ଯେ ଫେବ୍ରୁଆରି ୫ ତାରିଖରେ ହେବାକୁ ଥିବା ବିଧାନସଭା ନିର୍ବାଚନରେ ​​ଆମ ଆଦମୀ ପାର୍ଟି (ଆପ୍) ମୁଖ୍ୟ ଅରବିନ୍ଦ କେଜ୍ରିୱାଲ୍‌ ଏବଂ ଦିଲ୍ଲୀ ମୁଖ୍ୟମନ୍ତ୍ରୀ ଅତିଶୀ ଉଭୟ ସେମାନଙ୍କର ନିଜ ନିଜ ଆସନ ହରାଇବେ।ଇଣ୍ଡିଆ ଟୁଡେ ଟିଭି ସହିତ କଥାବାର୍ତ୍ତା କରି ଅମିତ ଶାହ ଆତ୍ମବିଶ୍ୱାସ ପ୍ରକାଶ କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ବିଜେପି ଦିଲ୍ଲୀରେ ଏକ ଡବଲ୍-ଇଞ୍ଜିନ୍ ସରକାର ଗଠନ କରିବ।

“ମିଛର ଜୀବନ ବହୁତ ଲମ୍ବା ନୁହେଁ। ମାତ୍ର ଦିଲ୍ଲୀରେ ଏହି ମିଛକୁ ୧୦ ବର୍ଷ ହୋଇଗଲାଣି। ଶାସନ ପଛ ସବୁ ମିଛର ପର୍ଦ୍ଦାଫାସ ହୋଇଯାଇଛି। ସେମାନେ ଦିଲ୍ଲୀକୁ ବିକାଶରୁ ବଞ୍ଚିତ କରିଛନ୍ତି। ତାହା ଗାଁ ହେଉ ବସ୍ତି ହେଉ କି ମୁଖ୍ୟ ସହର ଅଞ୍ଚଳ ହେଉ। ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ ବିଜେପି ଏଥର ଦିଲ୍ଲୀରେ ଏକ ଡବଲ-ଇଞ୍ଜିନ୍ ସରକାର ଗଠନ କରିବାକୁ ଯାଉଛି। ଏହି ନିର୍ବାଚନରେ ​​ଅରବିନ୍ଦ କେଜରିୱାଲ୍ ଏବଂ ଅତିଶୀ ଉଭୟ ସେମାନଙ୍କର ଆସନ ହରାଇବେ,” ବୋଲି ବରିଷ୍ଠ ବିଜେପି ନେତା କହିଛନ୍ତି।

ବିଜେପିର ନିର୍ବାଚନୀ ଇସ୍ତାହାର ଏବଂ ଦଳ ଦ୍ୱାରା ଘୋଷଣା କରାଯାଇଥିବା ମାଗଣା ସାମଗ୍ରୀର ତାଲିକା ବିଷୟରେ ପଚରାଯିବାରୁ ଅମିତ ଶାହ କହିଛନ୍ତି, “ଆମେ ନିଷ୍ପତ୍ତି ନେଇଛୁ ଯେ ଦିଲ୍ଲୀରେ ଗୋଟିଏ ମଧ୍ୟ କଲ୍ୟାଣକାରୀ କାର୍ଯ୍ୟକ୍ରମ ବନ୍ଦ କରାଯିବ ନାହିଁ। ଅରବିନ୍ଦ କେଜ୍ରିୱାଲ ଦିଲ୍ଲୀରେ ଭିତ୍ତିଭୂମି ବିକାଶକୁ ସମ୍ପୂର୍ଣ୍ଣ ଭାବରେ ଅଣଦେଖା କରିଦେଇଛନ୍ତି। ଆପ୍‌ କେବଳ ଟଙ୍କା ବଣ୍ଟନ କରିଛି। ପାଣି, ସ୍କୁଲ ଏବଂ ହସ୍ପିଟାଲ ଇତ୍ୟାଦି ପାଇଁ କିଛି କରିନାହିଁ। ଗରିବଙ୍କ ପାଇଁ କଲ୍ୟାଣକାରୀ ଯୋଜନା ସମେତ ଏସବୁ ପ୍ରତି ଆମର ଏକ ସନ୍ତୁଳିତ ଆଭିମୁଖ୍ୟ ରହିଛି” ବୋଲି ସେ ଉଲ୍ଲେଖ କରିଛନ୍ତି।

ସୌଜନ୍ୟ-ସମ୍ୱାଦ