ଦିଲ୍ଲୀର ୪୦ରୁ ଅଧିକ ବିଦ୍ୟାଳୟକୁ ବୋମା ଧମକ

ନୂଆଦିଲ୍ଲୀ: ସୋମବାର ସକାଳେ ଦିଲ୍ଲୀର ୪୦ରୁ ଅଧିକ ବିଦ୍ୟାଳୟକୁ ବୋମା ଧମକ ମିଳିଛି। ପଶ୍ଚିମ ବିହାରର ଡିପିଏସ୍ ଆରକେ ପୁରମ ଏବଂ ଜିଡି ଗୋଏଙ୍କା ଆଦି ସ୍କୁଲ ଉକ୍ତ ୪୪ଟି ବିଦ୍ୟାଳୟ ମଧ୍ୟରେ ରହିଛି। ସ୍କୁଲ୍‌କୁ ବୋମା ଧମକ ମିଳିବା ପରେ ଛାତ୍ରମାନଙ୍କୁ ଘରକୁ ପଠାଯାଇଛି।

ଖବର ଅନୁଯାୟୀ, ଏହି ଧମକ ଇମେଲ ମାଧ୍ୟମରେ ମିଳିଛି। ରବିବାର ରାତି ପ୍ରାୟ ୧୧.୩୮ ବେଳେ ଇମେଲ୍‌ ଜରିଆରେ ଏହି ଧମକ ମିଳିଛି। ବିଲ୍ଡିଂ ଭିତରେ ଏକାଧିକ ବୋମା ଲଗାଯାଇଥିବା ଇମେଲରେ ଦାବି କରାଯାଇଛି।

ଇମେଲରେ ଲେଖାଥିଲା ଯେ ବୋମାଗୁଡିକ ଖୁବ୍ ଛୋଟ ଏବଂ ବହୁତ କୌଶଳର ସହ ଲୁଚାଯାଇ ରଖାଯାଇଛି। ଧମକକାରୀମାନେ ବୋମା ନିବାରଣ ପାଇଁ ୩୦,୦୦୦ ଡଲାର ଦାବି କରିଛି।

दिल्ली वालों ने दिल्ली में कानून व्यवस्था की इतनी बुरी हालत पहले कभी नहीं देखी थी। अमित शाह जी को आकर दिल्ली वालों को जवाब देना चाहिए। https://t.co/dOHYzf9mV2

— Arvind Kejriwal (@ArvindKejriwal) December 9, 2024

ଇମେଲ୍‌ରେ ଲେଖାଯାଇଛି, ‘‘ଏହା ବିଲ୍ଡିଂକୁ ଅଧିକ କ୍ଷତି ପହଞ୍ଚାଇବ ନାହିଁ। କିନ୍ତୁ ବୋମା ବିସ୍ଫୋରଣ ହେବା ପରେ ଅନେକ ଲୋକ ଆହତ ହେବେ। ତୁମେ ସମସ୍ତେ ଯନ୍ତ୍ରଣା ଭୋଗିବାକୁ ଓ ଅଙ୍ଗ ହରାଇବାକୁ ଯୋଗ୍ୟ।”

ଏହାପୂର୍ବରୁ ଅକ୍ଟୋବର ମାସରେ ରବିବାର ସକାଳେ ରୋହିଣୀର ପ୍ରଶାନ୍ତ ବିହାରର ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (ସିଆର୍‌ପିଏଫ୍‌) ବିଦ୍ୟାଳୟ ବାହାରେ ବିସ୍ଫୋରଣ ଘଟିଥିଲା। ଏହି ବିସ୍ଫୋରଣରେ ବିଦ୍ୟାଳୟର କାନ୍ଥ ଏବଂ ନିକଟସ୍ଥ ଦୋକାନ ଏବଂ ଯାନବାହନ ନଷ୍ଟ ହୋଇଯାଇଥିଲା।

ସୌଜନ୍ୟ-ସମ୍ୱାଦ