ଦୁଇଚକିଆ ଇଭି ରିଜ୍‌ଟା

ବଜାରରେ ଏବେ ଇଭି ସ୍କୁଟର୍‌ର ବେଶ୍‌ ଚାହିଦା ରହିଛି। ଏଥିରେ ସାମିଲ ହୋଇଛି ଏଥର୍‌ କମ୍ପାନିର ନୂଆ ସ୍କୁଟର୍‌ ରିଜ୍‌ଟା। ଏହାର ପ୍ରାରମ୍ଭିକ ମୂଲ୍ୟ ରହିଛି ୯୬,୧୨୯ ଟଙ୍କା (ଏକ୍ସ ସୋ’ରୁମ୍‌)। ରିଜ୍‌ଟା ୩ଟି ଭାରିଆଣ୍ଟରେ ବଜାର ପ୍ରବେଶ କରିଛି। ଏଥିରେ ୫୬ ଲିଟର୍‌ ଷ୍ଟୋରେଜ୍‌ ସ୍ପେସ୍‌, ମଲ୍‌ଟି-ପର୍‌ପଜ୍‌ ଚାର୍ଜର୍‌, ଆଲେକ୍ସା ସ୍କିଲ୍‌, ଗୁଗଲ୍‌ ମ୍ୟାପ୍‌, ବ୍ଲୁଟୁଥ୍‌ କନେକ୍ଟିଭିଟି, ହ୍ବାଟ୍‌ସଆପ୍‌, ଦୁଇଟି ରାଇଡ୍‌ ମୋଡ୍‌, ଲାଇଭ୍‌ ଲୋକେସନ୍‌ ସେୟାରିଂ, ଫ୍ଲାସ୍‌ ଲାଇଟ୍‌ ଆଲର୍ଟ, ଥେଫ୍‌ଟ ଆଲର୍ଟ, ଏମର୍ଜେନ୍‌ସି ଷ୍ଟପ୍‌ ସିଗ୍‌ନାଲ୍‌ (ଇଏସ୍‌ଏସ୍‌), ଏଲ୍‌ଇଡି ଲାଇଟ୍‌ ପରି ‌େବୖଶିଷ୍ଟ୍ୟ ରହିଛି।

ଏହାର ସର୍ବାଧିକ ବେଗ ଘଣ୍ଟା ପ୍ରତି ୮୦ କିଲୋମିଟର୍‌, ରେଞ୍ଜ ୧୨୩ କି.ମି. ଓ ଓଜନ ୧୧୯ କିଲୋଗ୍ରାମ୍‌। ଏଥି‌େର ୨.୯ କିଲୋୱାଟ୍‌ର ବ୍ୟାଟେରି ରହିଛି ଏବଂ କମ୍ପାନି ବ୍ୟାଟେରି ଉପରେ ୫ ବର୍ଷର ୱାରେଣ୍ଟି ଦେଉଛି। ୩୫୦ ୱାଟ୍‌ର ପୋର୍ଟେବଲ୍‌ ଚା‌ର୍ଜର୍‌ ସାହାଯ୍ୟରେ ଏହାକୁ ୦-୧୦୦% ଚାର୍ଜ କରିବାକୁ ୮ଘଣ୍ଟା ୩୦ ମିନିଟ୍‌ ଲାଗିବ ବୋଲି କମ୍ପାନି କହିଛି। ଏହା ପାଙ୍ଗଙ୍ଗ୍‌ ବ୍ଲୁ ଡୁଓ, କାର୍ଡାମମ୍‌ ଗ୍ରିନ୍‌ ଡୁଓ, ଡେକାନ୍‌ ଗ୍ରେ ଡୁଓ, ଆଲ୍‌ଫୋନ୍‌ସୋ ୟେଲୋ ଡୁଓ, ପାଙ୍ଗଙ୍ଗ୍‌ ବ୍ଲୁ ମୋନୋ, ଡେକାନ୍‌ ଗ୍ରେ ମୋନୋ, ସିଆଚେନ୍‌ ହ୍ବାଇଟ୍‌ ମୋନୋ ପରି ୮ଟି ରଙ୍ଗରେ ଉପଲବ୍ଧ।

ସୌଜନ୍ୟ -ସମ୍ୱାଦ