ପଳାତକ ମେହୁଲ ଚୋକସିକୁ ଗିରଫ କଲା ବେଲଜିୟମ ପୁଲିସ

ନୂଆଦିଲ୍ଲୀ: ପଞ୍ଜାବ ନ୍ୟାସନାଲ ବ୍ୟାଙ୍କ ଋଣ ଠକେଇ ମାମଲାରେ ଅଭିଯୁକ୍ତ ପଳାତକ ହୀରା ବ୍ୟବସାୟୀ ମେହୁଲ ଚୋକସିଙ୍କୁ ବେଲଜିୟମ ପୋଲିସ ଗିରଫ କରିଛି। ସେଣ୍ଟ୍ରାଲ୍ ବ୍ୟୁରୋ ଅଫ୍ ଇନଭେଷ୍ଟିଗେସନ୍ ବ୍ୟୁରୋ (ସିବିଆଇ) ର ଆବେଦନ ଉପରେ ୬୫ ବର୍ଷୀୟ ଚୋକ୍ସିଙ୍କୁ ଶୁକ୍ରବାର ଗିରଫ କରାଯାଇଥିଲା ଏବଂ ସେ ଏବେ ମଧ୍ୟ ଜେଲରେ ଅଛନ୍ତି।

ମେହୁଲ ଚୋକସି ପଞ୍ଜାବ ନ୍ୟାସନାଲ ବ୍ୟାଙ୍କରୁ ୧୩,୫୦୦ କୋଟି ଟଙ୍କା ଋଣ ଠକେଇ କରିଥିଲେ ଏବଂ ଗିରଫଦାରୀକୁ ଏଡାଇବା ପାଇଁ ସେ ଭାରତରୁ ବେଲଜିୟମକୁ ପଳାଇଥିଲେ। ଏଠାରେ ସେ ତାଙ୍କ ପତ୍ନୀ ପ୍ରୀତି ଚୋକସିଙ୍କ ସହ ଆଣ୍ଟୱର୍ପରେ ରହୁଥିଲେ। ପ୍ରୀତି ଚୋକସିଙ୍କ ପାଖରେ ବେଲଜିୟମର ନାଗରିକତା ଥିବାବେଳେ ଅନେକ ରିପୋର୍ଟରେ ଏହା ପ୍ରକାଶ ପାଇଛି ଯେ ଚୋକସିଙ୍କ ବେଲଜିୟମରେ ‘ଏଫ୍ ରେସିଡେନ୍ସି କାର୍ଡ’ ଅଛି ଏବଂ ସେ ଆଣ୍ଟିଗୁଆରୁ ବେଲଜିୟମକୁ ଚିକିତ୍ସା ପାଇଁ ଆସିଛନ୍ତି। ମେହୁଲ ଚୋକସିଙ୍କୁ ଗିରଫ କରି ବେଲଜିୟମ ପୋଲିସ ମୁମ୍ବାଇ କୋର୍ଟ ଦ୍ୱାରା ତାଙ୍କ ବିରୋଧରେ ଜାରି ଦୁଇଟି ୱାରେଣ୍ଟ ଦର୍ଶାଇଥିଲା।

ପିଏନବିକୁ ୧୩,୫୦୦ କୋଟି ଟଙ୍କା ଠକେଇ ଅଭିଯୋଗରେ ମେହୁଲ ଚୋକସିଙ୍କ ନାମରେ ସିବିଆଇ ଏବଂ ଇଡି ଦ୍ୱାରା ମାମଲା ଜାରି ରହିଛି | ଏହି ଘଟଣାରେ ଚୋକସିଙ୍କ ପୁତୁରା ନିରବ ମୋଦୀ ମଧ୍ୟ ଜଣେ ଅଭିଯୁକ୍ତ, ଯିଏ ଲଣ୍ଡନରେ ଲୁଚି ରହିଛନ୍ତି ଏବଂ ତାଙ୍କ ପ୍ରତ୍ୟର୍ପଣକୁ ମଧ୍ୟ ଅପେକ୍ଷା କରାଯାଇଛି।

ମେହୁଲ ଚୋକସି ତାଙ୍କ ପୁତୁରା ନିରବ ମୋଦୀଙ୍କ ସହ ଜାନୁଆରୀ ୨୦୧୮ ରେ ଭାରତ ଛାଡି ପଳାଇଥିଲେ। ପଞ୍ଜାବ ନ୍ୟାସନାଲ ବ୍ୟାଙ୍କରେ ଋଣ ଠକେଇ ମାମଲା ସାମ୍ନାକୁ ଆସିବା ପୂର୍ବରୁ ଉଭୟେ ଦେଶ ଛାଡି ପଳାଇଥିଲେ। ଏହା ଥିଲା ଭାରତର ଦ୍ୱିତୀୟ ବୃହତ୍ତମ ବ୍ୟାଙ୍କ ସ୍କାମ। ଏହି ଘଟଣା ସାମ୍ନାକୁ ଆସିବା ପୂର୍ବରୁ ଚୋକସି ଆଣ୍ଟିଗୁଆର ନାଗରିକତ୍ୱ ନେଇଥିଲେ।

ସୌଜନ୍ୟ-ସମ୍ୱାଦ