ପାଲେଷ୍ଟାଇନକୁ ମାନ୍ୟତା ଦେବ ଅଷ୍ଟ୍ରେଲିଆ, PM ଆଣ୍ଟୋନିଙ୍କ ବୟାନ ପରେ ଇସ୍ରାଏଲକୁ ବଡ଼ ଝଟକା

ନୂଆଦିଲ୍ଲୀ: ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ଆଣ୍ଟୋନି ଆଲବାନିଜ୍ ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି ଯେ ଅଷ୍ଟ୍ରେଲିଆ ମଧ୍ୟ ପାଲେଷ୍ଟାଇନକୁ ସ୍ୱୀକୃତି ଦେବ। ଆଲବାନିଜ୍ ସୋମବାର ଦିନ ସୂଚିତ କରିଛନ୍ତି ଯେ ସେ ଫ୍ରାନ୍ସ, ବ୍ରିଟେନ ଏବଂ କାନାଡା ସହିତ ପାଲେଷ୍ଟାଇନକୁ ଏକ ପୃଥକ ଦେଶ ଭାବରେ ସ୍ୱୀକୃତି ଦେଇପାରିବେ।

ଫ୍ରାନ୍ସ, ବ୍ରିଟେନ ଏବଂ କାନାଡା ସହିତ ପାଲେଷ୍ଟାଇନକୁ ଏକ ପୃଥକ ଦେଶ ଭାବରେ ମାନ୍ୟତା ଦେଇପାରିବେ। ଗାଜାରେ ଚାଲିଥିବା ଦୁର୍ଭିକ୍ଷ ଏବଂ ବହୁ ସଂଖ୍ୟକ ଲୋକଙ୍କ ମୃତ୍ୟୁ ବିରୋଧରେ ସାରା ବିଶ୍ୱରେ ସ୍ୱର ଉଠାଯାଉଛି। ଗାଜାରେ ଚାଲିଥିବା ମାନବିକ ସଙ୍କଟ ବିରୋଧରେ ଅଷ୍ଟ୍ରେଲିଆରେ ମଧ୍ୟ ପ୍ରତିବାଦ କରାଯାଉଛି।

ପ୍ରଧାନମନ୍ତ୍ରୀ ଆଣ୍ଟୋନି ଆଲବାନିଜ୍ ଙ୍କ କ୍ୟାବିନେଟର ଅନେକ ସଦସ୍ୟ ମଧ୍ୟ ପାଲେଷ୍ଟାଇନକୁ ଏକ ପୃଥକ ଦେଶ ଭାବରେ ମାନ୍ୟତା ଦେବାକୁ ଦାବି କରିଛନ୍ତି। ଅଷ୍ଟ୍ରେଲିଆ ସରକାର ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କ ଗାଜା ଦଖଲ କରିବାର ସାମ୍ପ୍ରତିକ ଯୋଜନାକୁ ମଧ୍ୟ ତୀବ୍ର ସମାଲୋଚନା କରିଛନ୍ତି।

ଆଲବାନିଜ୍ କହିଛନ୍ତି ଯେ ସୋମବାର ତାଙ୍କ କ୍ୟାବିନେଟର ଏକ ବୈଠକ ଅଛି। ଏହି ବୈଠକରେ ହିଁ ପାଲେଷ୍ଟାଇନକୁ ଏକ ପୃଥକ ଦେଶର ମାନ୍ୟତା ଦେବା ସମ୍ପର୍କରେ ନିଷ୍ପତ୍ତି ନିଆଯିବ। ସେପ୍ଟେମ୍ବରରେ ଜାତିସଂଘ ସାଧାରଣ ସଭା ଅଧିବେଶନ ସମୟରେ ଏହା ଆନୁଷ୍ଠାନିକ ଭାବରେ ଘୋଷଣା କରାଯିବ।

ସୌଜନ୍ୟ – ସମ୍ବାଦ