ଫଡନାବୀସଙ୍କ ସହ ‘ଶୀତଳ ଯୁଦ୍ଧ’ ଅଭିଯୋଗକୁ ଖାରଜ କଲେ ସିନ୍ଦେ

ମୁମ୍ବାଇ: ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏକନାଥ ସିନ୍ଧେ ବିଜେପି-ଏନସିପି-ଶିବସେନାର ମହାୟୁତି ମେଣ୍ଟରେ ଫାଟ ଥିବା ଦାବିକୁ ଖାରଜ କରିଛନ୍ତି। ସିନ୍ଧେ କହିଛନ୍ତି ଯେ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସଙ୍କ ସହିତ ତାଙ୍କର କୌଣସି ପ୍ରକାରର ବି ଶୀତଳ ଯୁଦ୍ଧ ନାହିଁ।

ରାଜ୍ୟ ପ୍ରଶାସନ ଭିତରେ ଏକ “ସମାନ୍ତରାଳ ସରକାର” କାର୍ଯ୍ୟ କରୁଥିବା ବିରୋଧୀଙ୍କ ଦାବି  ମଧ୍ୟରେ ଏହି ମନ୍ତବ୍ୟ ଆସିଛି। ଶିବସେନା (ୟୁବିଟି) ସାଂସଦ ସଞ୍ଜୟ ରାଉତ କହିଛନ୍ତି, “ଯଦି ସରକାର ଏହିପରି ଭାବରେ କାର୍ଯ୍ୟ ଜାରି ରଖନ୍ତି, ତେବେ ରାଜନୈତିକ ବିଶୃଙ୍ଖଳା ଆହୁରି ବୃଦ୍ଧି ପାଇବ”।

ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠି (ସିଏମ୍ଆର୍‌ଏଫ୍‌) ଉପସ୍ଥିତି ସତ୍ତ୍ୱେ ଏକନାଥ ସିନ୍ଦେ ମନ୍ତ୍ରଣାଳୟରେ ଏକ ଚିକିତ୍ସା ସହାୟତା ସେଲ୍ ସ୍ଥାପନ କରିଛନ୍ତି। ତଥାପି, ସିନ୍ଦେ କହିଛନ୍ତି ଯେ ଏହି ସେଲ୍ ଏକ ପ୍ରତିଯୋଗିତାମୂଳକ ପ୍ରଣାଳୀ ସୃଷ୍ଟି କରିବ ନାହିଁ ବରଂ ସେବା ପ୍ରଦାନକୁ ବୃଦ୍ଧି କରିବା ପାଇଁ ମୁଖ୍ୟମନ୍ତ୍ରୀଙ୍କ ଯୁଦ୍ଧ ରୁମ୍ ସହିତ ସମନ୍ୱୟ ରଖି କାର୍ଯ୍ୟ କରିବ।

“ଆମ ମଧ୍ୟରେ କୌଣସି ଶୀତଳ ଯୁଦ୍ଧ ନାହିଁ। ବିକାଶକୁ ବିରୋଧ କରୁଥିବା ଲୋକଙ୍କ ବିରୋଧରେ ଆମେ ଏକଜୁଟ। ଯେତେବେଳେ ମୁଁ ମୁଖ୍ୟମନ୍ତ୍ରୀ ଥିଲି‌, ୨୦୨୩ ମସିହା ଅକ୍ଟୋବର ୩୧ ତାରିଖରେ ଉପମୁଖ୍ୟମନ୍ତ୍ରୀ ଫଡନବୀସ ସମାନ ଏକ ସେଲ୍ ପ୍ରତିଷ୍ଠା କରିଥିଲେ। ମୁଁ କେବଳ ମୋର ଲୋକଙ୍କ ଦ୍ୱାରା ଏହାର କାର୍ଯ୍ୟ ତଦାରଖ କରି ଏହାକୁ ପୁନର୍ଗଠନ କରିଛି,” ବୋଲି ସିନ୍ଦେ ଦୃଢ଼ ଭାବରେ କହିଛନ୍ତି।

ସୌଜନ୍ୟ-ସମ୍ୱାଦ