ବାରିପଦାରେ ସିରିଜ୍ ଦୁର୍ଘଟଣା: ୪ ମୃତ, ୩ ଗୁରୁତର

ବାରିପଦା ୩୦/୧୧: ତିରିଂ ଥାନା ବଡ଼ ଡ଼ାଳିମା ଛକ ଏବଂ ବହଳଦା ଥାନା ଅନ୍ତର୍ଗତ ବାଗଡେଗାରେ ନିକଟରେ ସିରିଜ ଦୁର୍ଘଟଣା। ଗୋଟିଏ ଟ୍ରକ୍‌ ଦୁଇଟି ପୃଥକ୍‌ ସ୍ଥାନରେ ଦେଇଛି ଧକ୍କା। ଦୁର୍ଘଟଣାରେ ୪ ଜଣ ମୃତ୍ୟୁ ଘଟିଥିବା ବେଳେ ୩ ଜଣ ଗୁରୁତର ହୋଇଥିବା ଜଣାପଡିଛି। ସମସ୍ତଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି। ଦୁର୍ଘଟଣାସ୍ଥଳରୁ ଟ୍ରକ୍ ଡାଇଭର ଫେରାର ହୋଇଥିବା ଜଣାପଡିଛି।

ସୂଚନା ଅନୁଯାୟୀ, ଶନିବାର ଦିନ ପୂର୍ବାହ୍ନ ସମୟରେ ମୟୂରଭଞ୍ଜ ଜିଲ୍ଲା ତିରିଂ ଥାନା ଡାଳିମା ଛକରେ ଘଟିଛି ମର୍ମନ୍ତୁଦ ଦୁର୍ଘଟଣା । ଗୋଟିଏ ଲୁହା ବୋଝେଇ ଟ୍ରକ ଦୁଇଟି ସ୍ଥାନରେ ଘଟାଇଛି ସିରିଜ୍ ଦୁର୍ଘଟଣା ।ବହଳଦା ଥାନା ବାଗଡେଗାରେ ପ୍ରଥମ ଘଟାଇଥିଲା ଦୁର୍ଘଟଣା । ଏହାପରେ ୧୫ କିମି ଯିବା ପରେ ବାଗଡେଗାରେ ଏକ ଅଟୋକୁ ଧକ୍କା ଦେଲା। ଦୁର୍ଘଟଣାରେ ମଝି ରାସ୍ତାରେ ଅଟୋଟି ଓଲଟି ପଡିଥିଲା। ଫଳରେ ଅଟୋରେ ଥିବା ଦମ୍ପତି ସମେତ ଅଟୋ ଡ୍ରାଇଭରଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ହୋଇଛନ୍ତି। ଏହି ସିରିଜ୍ ଦୁର୍ଘଟଣାରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ତିନି ଜଣ ଗୁରୁତର ହୋଇଛନ୍ତି । ସମସ୍ତ ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ସୌଜନ୍ୟ-ପ୍ରମେୟ