‘ବୁଲା କୁକୁରଙ୍କୁ ରାସ୍ତାରୁ ହଟାଇବା ନିଷ୍ଠୁରତା…’: ସୁପ୍ରିମକୋର୍ଟଙ୍କ ନିର୍ଦ୍ଦେଶ ଉପରେ ରାହୁଲ ଗାନ୍ଧୀଙ୍କ ବୟାନ

ନୂଆଦିଲ୍ଲୀ: ବୁଲା କୁକୁରମାନଙ୍କ ଉତ୍ପାତ ରୋକିବା ପାଇଁ କଡ଼ା ନିର୍ଦ୍ଦେଶ ଜାରି କରିଛନ୍ତି ସୁପ୍ରିମକୋର୍ଟ। ଦିଲ୍ଲୀ-ଏନସିଆରକୁ ତୁରନ୍ତ ଏହି କୁକୁରମାନଙ୍କୁ ଧରି ବନ୍ଧ୍ୟାକରଣ କରିବା ଏବଂ ସେମାନଙ୍କୁ ସ୍ଥାୟୀ ଭାବରେ ଆଶ୍ରୟସ୍ଥଳରେ ରଖିବା ପାଇଁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ ନ୍ୟାୟାଳୟ। ଏବେ ବରିଷ୍ଠ କଂଗ୍ରେସ ନେତା ରାହୁଲ ଗାନ୍ଧୀ ଏହା ଉପରେ ପ୍ରତିକ୍ରିୟା ଦେଇଛନ୍ତି।

କଂଗ୍ରେସ ନେତା ଏବଂ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ କହିଛନ୍ତି ଯେ ଦିଲ୍ଲୀ-ଏନସିଆରରୁ ସମସ୍ତ ବୁଲା କୁକୁରଙ୍କୁ ହଟାଇବା ପାଇଁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ମାନବତା ଏବଂ ବିଜ୍ଞାନ ଉପରେ ଆଧାରିତ ଦଶନ୍ଧି ପୁରୁଣା ନୀତିରୁ ପଛଘୁଞ୍ଚା ଭଳି। ଏହି ମୂକ ପ୍ରାଣୀମାନେ ଏପରି ସମସ୍ୟା ନୁହେଁ ଯାହାକୁ ଦୂର କରାଯାଇପାରିବ।

ସେ କହିଛନ୍ତି ଯେ କେବଳ ଆଶ୍ରୟସ୍ଥଳ, ବନ୍ଧ୍ୟାକରଣ, ଟୀକାକରଣ ଏବଂ ସମ୍ପ୍ରଦାୟ ଯତ୍ନ ରାସ୍ତାକୁ ସୁରକ୍ଷିତ ରଖିପାରିବ ଏବଂ ତାହା ମଧ୍ୟ କୌଣସି ନିଷ୍ଠୁରତା ବିନା। କିନ୍ତୁ ହଠାତ୍ କୁକୁରମାନଙ୍କୁ ସାମୂହିକ ଭାବରେ ହଟାଇବା ପଦକ୍ଷେପ ନିଷ୍ଠୁର, ଅଦୂରଦର୍ଶୀ ଏବଂ କରୁଣା ବାହାରେ। ଆମେ ଏକାଠି ସାର୍ବଜନୀନ ସୁରକ୍ଷା ଏବଂ ପଶୁ କଲ୍ୟାଣ ସୁନିଶ୍ଚିତ କରିପାରିବା।

ପ୍ରକାଶଥାଉକି ବୁଲା କୁକୁରଙ୍କ ଆତଙ୍କର ସ୍ୱତଃସ୍ପୃହ ବିଚାର କରିଛନ୍ତି ସୁପ୍ରିମକୋର୍ଟ। ୮ ସପ୍ତାହ ମଧ୍ୟରେ ବୁଲା କୁକୁରମାନଙ୍କ ପାଇଁ ଆଶ୍ରୟସ୍ଥଳ ନିର୍ମାଣ କରିବାକୁ ନିର୍ଦ୍ଦେଶ ଦେଇଥିଲା। ୬ ସପ୍ତାହ ମଧ୍ୟରେ ୫ ହଜାର କୁକୁରଙ୍କୁ ଧରିବା ପାଇଁ ଏକ ଅଭିଯାନ ଆରମ୍ଭ କରିବାକୁ କୁହାଯାଇଥିଲା। ସମ୍ବେଦନଶୀଳ ଅଞ୍ଚଳରୁ ଏହାକୁ ଆରମ୍ଭ କରିବାକୁ କୁହାଯାଇଛି। କହିଛନ୍ତି ଯେ ଏହି କାର୍ଯ୍ୟରେ ବାଧା ସୃଷ୍ଟି କରୁଥିବା ଲୋକଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନିଆଯିବ।

୨୮ ଜୁଲାଇରେ ସୁପ୍ରିମକୋର୍ଟ ନିଜେ ବୁଲା କୁକୁର ଆକ୍ରମଣ ଯୋଗୁଁ ହୋଇଥିବା ରାବିଜ୍ ଯୋଗୁଁ ମୃତ୍ୟୁ ଘଟଣାର ନୋଟିସ୍ ନେଇଥିଲେ। କୋର୍ଟ ଏହାକୁ ଅତ୍ୟନ୍ତ ଚିନ୍ତାଜନକ ଏବଂ ଭୟଙ୍କର ବୋଲି କହିଥିଲେ।

ସୌଜନ୍ୟ – ସମ୍ବାଦ