ନୂଆଦିଲ୍ଲୀ: ଏତେ ମହଙ୍ଗା ହୋଇଯିବ ସିଗାରେଟ୍, ଶୁଣିଲେ ଟାଣିବା ବନ୍ଦ କରିଦେବେ। ଭାରତରେ ଆକାଶଛୁଆଁ ହେବାକୁ ଯାଉଛି ସିଗାରେଟ୍ର ଦର। ଏକାବେଳକେ ଚାରିଗୁଣା ବଢ଼ିଯିବ। କେନ୍ଦ୍ରୀୟ ଉତ୍ପାଦ ଶୁଳ୍କ ସଂଶୋଧନ ବିଲ୍-2025 ଉପରେ ବାଜିଛି ସଂସଦର ମୋହର। ଏହି ବିଲ୍ ସିଗାରେଟ୍, ସିଗାର, ହୁକା ଭଳି ତମାଖୁ ଉତ୍ପାଦ ଉପରେ ଉତ୍ପାଦ ଶୁଳ୍କକୁ ଉଲ୍ଲେଖନୀୟ ଭାବରେ ବୃଦ୍ଧି କରିଛି।
ଏହି ନୂତନ ସଂଶୋଧନ ଅନୁଯାୟୀ, ସିଗାରେଟ୍ ଉପରେ ଉତ୍ପାଦ ଶୁଳ୍କ ପ୍ରତି ୧ ହଜାର ଷ୍ଟିକ୍ ପାଇଁ ୨୦୦-୭୩୫ରୁ ୨୭୦୦-୧୧୦୦୦କୁ ବୃଦ୍ଧି ପାଇବ। ଏହି ବୃଦ୍ଧି ସିଗାରେଟର ପ୍ରକାର ଏବଂ ଲମ୍ବ ଉପରେ ନିର୍ଭର କରି ଭିନ୍ନ ହେବ। ତମାଖୁ ଉପରେ ଉତ୍ପାଦ ଶୁଳ୍କ ଚାରିଗୁଣ ବୃଦ୍ଧି ପାଇବ। ୨୫% ରୁ ୧୦୦% ପର୍ଯ୍ୟନ୍ତ।
ହୁକା ତମାଖୁ ଉପରେ ଶୁଳ୍କ ୨୫% ରୁ ୪୦% ପର୍ଯ୍ୟନ୍ତ ବୃଦ୍ଧି ପାଇବ। ଧୂମପାନ ମିଶ୍ରଣ ଉପରେ ଶୁଳ୍କ ଛଅ ଗୁଣ ପର୍ଯ୍ୟନ୍ତ ବୃଦ୍ଧି ପାଇପାରେ। ଏହା ୬୦% ରୁ ୩୦୦% ପର୍ଯ୍ୟନ୍ତ ବୃଦ୍ଧି ପାଇପାରେ। ଅଧିକାରୀମାନେ ଆକଳନ କରିଛନ୍ତି ଯେ ଆଜି ୧୮ ମୂଲ୍ୟର ସିଗାରେଟ୍ ଖୁବ୍ ଶୀଘ୍ର ୭୨ ଟଙ୍କା ମୂଲ୍ୟର ହୋଇପାରେ।
ମୂଲ୍ୟ ବୃଦ୍ଧି ଉପରେ ଲୋକମାନେ ପ୍ରତିକ୍ରିୟା ଦେଉଛନ୍ତି। ଜଣେ Reddit ୟୁଜର୍ସ କହିଛନ୍ତି, ମୁଁ ନିଜେ ଧୂମପାନକାରୀ, ମୁଁ ଏହି ନିଷ୍ପତ୍ତିକୁ ପସନ୍ଦ କରେ… ମୁଁ ମଧ୍ୟ ଛାଡିପାରେ। ଏହି ସମୟରେ, କିଛି ଲୋକ ନିଷ୍ପତ୍ତି ବିଷୟରେ ସନ୍ଦେହ ପ୍ରକାଶ କରିଛନ୍ତି। ଜଣେ ୟୁଜର କହିଛନ୍ତି, ସ୍ମୋକର ହତାଶ ଏବଂ ଏହି ପରିବର୍ତ୍ତନ ଆମ ମଧ୍ୟରୁ ଅନେକଙ୍କୁ ପ୍ରଭାବିତ କରିବ ନାହିଁ। ଆଉ ଜଣେ ମଜା କରି କହିଥିଲେ, “ମୁଁ ଦିଲ୍ଲୀର ପବନରେ ରହୁଛି, ମାଗଣା ମାଗଣା।”
ସୌଜନ୍ୟ ସମ୍ବାଦ
