ଭିନ୍ନ ଏକ ଉପାୟ: ନୂଆବର୍ଷ ପାଇଁ ପିଲା କଲେ ବ୍ୟବସାୟ

ପିଲାମାନେ ନୂଆବର୍ଷରେ ବଣଭୋଜି କରିବା ପାଇଁ ଟଂକା ଯୋଗାଡ କରୁଥିବା କହିଥିଲେ। ଏହି କରମଙ୍ଗା କେଉଁଠାରୁ ଆଣିଲ ବୋଲି କହିବାରୁ ଜଣକ ଘରେ ଏହା ଫଳିଥିଲା। ତାଂକ ଠାରୁ କିଣି ଆଣିଲୁ ଏବଂ କିଲୋ ପ୍ରତି ୫୦ ଟଂକାରେ ବିକ୍ରି କରୁଛୁ ବୋଲି ପିଲମାନେ ଉତ୍ତର ଦେଇଥିଲେ। କରମଙ୍ଗା କିଣିବା ପାଇଁ ଟଂକା କେଉଁଠାରୁ ଆସିଲା ବୋଲି ପୁଣି ପ୍ରଶ୍ନ ପଚାରିବାରୁ ସେମାନଙ୍କ ମଧ୍ୟରୁ ଜଣେ ପିଲା କହିଲା ମୁଁ ଆଉ ଜଣେ ଗାଈ ଚରାଇ ଦେଢ ଶହ ଟଂକା ପାଇଥିଲୁ। ସେହି ଟଂକାରେ ଆମେ କରମଙ୍ଗା କିଣି ବିକ୍ରି କରୁଛୁ।

ପିଲମାନେ ଦୋକାନୀ ହୋଇ ପରିବା ବିକ୍ରି କରିବା ସହ ଅନ୍ୟ ଜିନିଷ ବିକ୍ରି କରିବା ବ୍ୟାଙ୍କ ଏବଂ ପୋଷ୍ଟ ଅଫିସରେ କିପରି ଟଂକା ଜମା ରଖିବେ ସେସବୁ ବିଷୟରେ ଜ୍ଞାନ ଆରୋହଣ କରିଥିଲେ। ପିଲାଙ୍କ ଏଭଳି ଉପାୟରେ ଲୋକେ ଖିସି ହୋଇ କରମଙ୍ଗା କ୍ରୟ କରି ନେଉଥିବା ଦେଖିବାକୁ ମିଳିଥିଲା।ମଙ୍ଗଳବାର ୫୦ ଟଂକାର କରମଙ୍ଗା କିଣି ୨୫୦ ଟଂକାରେ ବିକ୍ରି କରିଥିବା ବେଳେ ଆଜି ୪୦ ଟଂକାର କରମଙ୍ଗା କଣି ବର୍ତ୍ତମାନ ସୁଦ୍ଧା ୧୦୦ ଟଂକା ବିକ୍ରି କରିସାରିଲୁଣି ବୋଲି କହିଥିଲେ। ଯାହା ଟଂକା ରୋଜଗାର ହେବ ସେଥିରେ ଆମେ ନୂଆବର୍ଷରେ ଭୋଜି କରିବୁ ବୋଲି କହିଥିଲେ। ତେବେ ଏଭଳି ଉପାୟ ତମକୁ କିଏ ଦେଲା ବୋଲି ପ୍ରଶ୍ନ କରିବାରୁ ସେମାନେ ବିଦ୍ୟାଳୟରେ ଆମକୁ ବ୍ୟବସାୟ ସଂପର୍କରେ ବୁଝାଇଥିଲା। ପୁଣି କାଲିମେଳା ବ୍ଲକର ଯବନପାଲୀ ବିଦ୍ୟାଳୟରେ ପିଲାଙ୍କୁ ବ୍ୟବସାୟ କିପରି ହୁଏ ତାହାର ଏକ ରୂପରେଖ ତିଆରି କରାଯାଇଥିଲା।