ମନମୋହନ ସିଂଙ୍କ ଦେହାନ୍ତରେ ପାକିସ୍ତାନର ଆସିଲା ପ୍ରଥମ ପ୍ରତିକ୍ରିୟା

ଇସଲାମାବାଦ,୨୭।୧୨: ଇମ୍ରାନ ଖାନଙ୍କ ପାକିସ୍ତାନ ତେହେରିକ-ଇ-ଇନସାଫ (ପିଟିଆଇ) ଦଳର ନେତା ଫୱାଦ ଚୌଧରୀ ପୂର୍ବତନ ଭାରତୀୟ ପ୍ରଧାନମନ୍ତ୍ରୀ ମନମୋହନ ସିଂଙ୍କ ଦେହାନ୍ତରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଫୱାଦ ଚୌଧୁରୀ ଏକ୍ସରେ ଲେଖିଛନ୍ତି, ଡ. ମନମୋହନ ସିଂଙ୍କ ଦେହାନ୍ତ ବିଷୟରେ ଶୁଣି ଦୁଃଖିତ। ଆଜି ଭାରତ ଯେଉଁ ଆର୍ଥିକ ସ୍ଥିରତା ଉପଭୋଗ କରୁଛି ତାହା ମୁଖ୍ୟତଃ ତାଙ୍କର ଦୂରଦୃଷ୍ଟିସମ୍ପନ୍ନ ନୀତି ଯୋଗୁ ହୋଇଛି।

ଫୱାଦଆହୁରି କହିଛନ୍ତି, ସେ ଝେଲମର ଗାହ ଗାଁରେ ଜନ୍ମଗ୍ରହଣ କରିଥିଲେ, ଯାହା ବର୍ତ୍ତମାନ ପଞ୍ଜାବ (ପାକିସ୍ତାନ)ର ଚକୱାଲରେ ପଡ଼େ । ଝେଲମର ପୁଅ ଡ. ମନମୋହନ ସିଂ ଏହି ଅଞ୍ଚଳର ଲୋକଙ୍କ ପାଇଁ ଏକ ପ୍ରେରଣାଦାୟକ।

ସୌଜନ୍ୟ-ଧରିତ୍ରୀ