ଯୁବତୀଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

ବଡ଼ସାହି: ମୟୂରଭଞ୍ଜ ଜିଲ୍ଲା ବଡ଼ସାହି ଥାନା ଅଧୀନ ବଡ଼ସାହି-ମାଣତ୍ରୀ ରାସ୍ତାର ଅଙ୍ଗାରୀ ଛକରେ ଜନୈକା ଯୁବତୀଙ୍କ ମୃତ ଦେହକୁ ପୁଲିସ ଉଦ୍ଧାର କରିଛି। ମୃତକର ପରିଚୟ ମିଳିପାରିନଥିବା ବେଳେ ହତ୍ୟା ହୋଇଥିବା ନେଇ ପାରିପାର୍ଶ୍ବିକ ସ୍ଥିତିରୁ ପୁଲିସ ତଦନ୍ତ ଜାରି ରଖିଛି।

ସୂଚନାଯୋଗ୍ୟ, ଅଙ୍ଗାରୀ ଛକରେ ଥିବା ଏକ ଚାଳିରେ ଯୁବତୀଙ୍କ ମୃତଦେହ ପଡ଼ିଥିବାର ସ୍ଥାନୀୟ ଲୋକେ ଦେଖିଥିଲେ। ଯୁବତୀଙ୍କର ମୁହଁ ତଳକୁ ହୋଇଥିବା ବେଳେ ଅନ୍ୟ ଏକ ଡ୍ରେସରେ ମୁହଁ ଘୋଡ଼ାଇ ନିଆଁ ଲଗାଯାଇଛି। ମାତ୍ର ନିଆଁ ଲିଭିଯାଇଥିବା ଜଣାପଡ଼ିଛି। କେହି ଯୁବତୀକୁ ଯୋଜନାପୂର୍ବକ ହତ୍ୟା କରି ଫିଙ୍ଗି ଦେଇ ପ୍ରମାଣ ନଷ୍ଟ କରିବାକୁ ଉଦ୍ୟମ କରଛି। ପୁଲିସ ଘଟଣା ସ୍ଥଳରେ ପହଞ୍ଚିବା ପରେ ସାଇଣ୍ଟିଫିକ୍ ଟିମକୁ ଖବର ଦିଆଯାଇଛି।

ସୌଜନ୍ୟ – ସମ୍ବାଦ