ରାଜଧାନୀରୁ ୩ ମୋବାଇଲ ଲୁଟେରା ଗିରଫ, ୧୭ ଦାମୀ ମୋବାଇଲ ଜବତ

ଭୁବନେଶ୍ବର,୦୭/୧୨: ରାଜଧାନୀରୁ ଗିରଫ ହେଲେ ୩ ମୋବାଇଲ ଲୁଟେରା । ଗିରଫ କଲା ଲିଙ୍ଗରାଜ ଥାନା ପୋଲିସ । ସେମାନଙ୍କ ନିକଟରୁ ୧୭ ଟି ଦାମୀ ମୋବାଇଲ ଜବତ କରାଯାଇଛି । ରାଜଧାନୀ ଭୁବନେଶ୍ୱରରେ ଏଭଳି ଘଟଣା ଘଟିଛି ।

ସୂଚନା ମୁତାବକ, ବାଇକ୍‌ରେ ଆସି ୩ ଜଣ ମୋବାଇଲ ଲୁଟେରା ଝାମ୍ପି ନେଉଥିଲେ ମୋବାଇଲ ଫୋନ୍‌ । ବିଶେଷ କରି ମର୍ଣ୍ଣିଂ ୱାକ୍‌ରେ ଆସୁଥିବା ମହିଳା ଏବଂ ଯୁବତୀଙ୍କୁ କରୁଥିଲେ ଟାର୍ଗେଟ । ସେମାନଙ୍କ ଠାରୁ ମୋବାଇଲ ଝାମ୍ପି ନେଇ ବିକ୍ରି କରି ରୋଜଗାର କରୁଥିଲେ । ଏଭଳି ଘଟଣା ବାରମ୍ୱାର ହେବା ପରେ ଲିଙ୍ଗରାଜ ଥାନାରେ ଏନେଇ ଏକାଧିକ ଅଭିଯୋଗ ହୋଇଥିଲା । ଉକ୍ତ ଅଭିଯୋଗ ଆଧାରରେ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା । ତଦନ୍ତ ପରେ ଏହି ଘଟଣାରେ ସମ୍ପୃକ୍ତ ଥିବା ୩ ଜଣ ଅଭିଯୁକ୍ତଙ୍କୁ ଧରିବାରେ ପୋଲିସ ସଫଳ ହୋଇଛି ।

ସୌଜନ୍ୟ-ପ୍ରମେୟ