ରୁଷ ଉପରେ ୯/୧୧ ପରି ଆକ୍ରମଣ

ମସ୍କୋ: ରୁଷ ଉପରେ ୯/୧୧ ନ୍ୟୁୟର୍କ ଆତଙ୍କବାଦୀ ଆକ୍ରମଣ ପରି ଏକ ବଡ଼ ଧରଣର ଆକ୍ରମଣ ହୋଇଛି । ରୁଷିଆର କାଜାନ ସହର ଉପରେ ଏକ ବଡ ଡ୍ରୋନ ଆକ୍ରମଣ ହୋଇଛି । ୟୁକ୍ରେନ ପକ୍ଷରୁ ଡ୍ରୋନ ସାହାଯ୍ୟରେ କେତେକ ବହୁତଳ କୋଠାକୁ ଟାର୍ଗେଟ୍ କରାଯାଇଛି ।

ମସ୍କୋଠାରୁ ପ୍ରାୟ ୫୦୦ ମାଇଲ (୮୦୦ କିଲୋମିଟର) ପୂର୍ବରେ ଅବସ୍ଥିତ କାଜାନ ସହରରେ ଅତି କମରେ ୬ଟି ସୋସାଇଟିର ଟାୱାର ଉପରେ ଏକାଧିକ ଡ୍ରୋନ୍ ସାହାଯ୍ୟରେ ଆକ୍ରମଣ ହୋଇଥିବା ରୁଷିଆର ସରକାରୀ ନ୍ୟୁଜ୍ ଏଜେନ୍ସି ଟାସ୍ ସୂଚନା ଦେଇଛି। ଟାସ୍ ଏଜେନ୍ସି କହିଛି ଯେ ୮ଟି ଡ୍ରୋନ୍ ଆକ୍ରମଣ ରେକର୍ଡ କରାଯାଇଛି, ସେଥିମଧ୍ୟରୁ ୬ଟି ସୋସାଇଟିର ଟାୱାର କ୍ଷତିଗ୍ରସ୍ତ ହୋଇଛି।

ମସ୍କୋଠାରୁ ପ୍ରାୟ ୫୦୦ ମାଇଲ (୮୦୦ କିଲୋମିଟର) ପୂର୍ବରେ ଅବସ୍ଥିତ କାଜାନ ସହରରେ ଅତି କମରେ ୬ଟି ସୋସାଇଟିର ଟାୱାର ଉପରେ ଏକାଧିକ ଡ୍ରୋନ୍ ସାହାଯ୍ୟରେ ଆକ୍ରମଣ ହୋଇଥିବା ରୁଷିଆର ସରକାରୀ ନ୍ୟୁଜ୍ ଏଜେନ୍ସି ଟାସ୍ ସୂଚନା ଦେଇଛି।

ମିଳିଥିବା ସୂଚନା ଅନୁଯାୟୀ, କମଳାୟେଭା ଆଭେନ୍ୟୁ (ଦୁଇଟି ଡ୍ରୋନ୍), କ୍ଲାରା ସେଟ୍କିନ୍ ଷ୍ଟ୍ରିଟ୍, ୟୁଟାଜିନ୍ସ୍କାୟା ଷ୍ଟ୍ରିଟ୍, ଗଲ୍ଫ ଟାଟାସ୍ ଷ୍ଟ୍ରିଟ୍, କ୍ରାସ୍ନାୟା ଷ୍ଟ୍ରିଟ୍ ଏବଂ ଓରେନବର୍ଗସ୍କି ଟ୍ରାକ୍ଟରେ ଥିବା ଏକ କୋଠାକୁ ଡ୍ରୋନ୍ ଆକ୍ରମଣ ରେ ଟାର୍ଗେଟ୍ କରାଯାଇଛି। କାଜାନ ବିମାନ ବନ୍ଦର କର୍ତ୍ତୃପକ୍ଷ କହିଛନ୍ତି ଯେ ୟୁକ୍ରେନର ଡ୍ରୋନ ଆକ୍ରମଣ ପରେ ବିମାନର ଆଗମନ ଏବଂ ପ୍ରସ୍ଥାନ କୁ ସାମୟିକ ଭାବେ ବନ୍ଦ କରାଯାଇଛି।

ସୂଚନାଯୋଗ୍ୟ ଯେ,  ନିକଟରେ ଏହି ସହରରେ ବ୍ରିକ୍ସ ରାଷ୍ଟ୍ରଗୁଡ଼ିକର ଶିଖର ସମ୍ମିଳନୀ ଅନୁଷ୍ଠିତ ହୋଇଥିଲା, ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଂଶଗ୍ରହଣ କରିଥିଲେ।

ସୌଜନ୍ୟ-ସମ୍ୱାଦ