ସଲମାନ୍‌ ଖାନ୍‌ଙ୍କ ଶୋରେ ନଜର ଆସିବେ ଶହୀଦ ଅଧିକାରୀଙ୍କ ପତ୍ନୀ, ଏଲଭିଶ୍ ଯାଦବଙ୍କ ଘନିଷ୍ଠ ବନ୍ଧୁ

ନୂଆଦିଲ୍ଲୀ ୧୧/୦୮: ପହଲଗାମ ହମଲା । ମନରୁ ଲିଭିନି ସେହି ସିନ୍ । ସ୍ୱାମୀଙ୍କ ମୁଣ୍ଡକୁ ଧରି ବସିଥିବା ସେହି ପତ୍ନୀଙ୍କ କରୁଣ ଚିତ୍କାର । ସୋସିଆଲ ମିଡିଆରେ ଆତଙ୍କ ଖେଳାଇଦେଇଥିଲା । ଦିନ ଥିଲା ସ୍ୱାମୀ ହତ୍ୟାର ପ୍ରତିଶୋଧ ମାଗିଥିଲେ ସେ । ହେଲେ ଏବେ ସେ ପନିବାକୁ ଯାଉଛନ୍ତି ଶୋ ଷ୍ଟପର । ବିଶେଷ କରି ସଲମାନଙ୍କ ବହୁ ଚର୍ଚ୍ଚିତ ଶୋରେ ନଜର ଆସିବେ । ବିଗ୍‌ ବସ୍ ରେ ନଜର ଆସିପାରନ୍ତି ସହିଦ ଅଧିକାରୀଙ୍କ ପତ୍ନୀ । ଯାହା ଶୁଣିବାକୁ ମିଳିଛି ସେ କୁଆଡେ ଏଲଭିଶଙ୍କ ଘନିଷ୍ଠ ବନ୍ଧୁ?

ସଲମାନ ଖାନଙ୍କ ଲୋକପ୍ରିୟ ଶୋ’ ‘ବିଗ୍ ବସ୍ ୧୯’ ଆରମ୍ଭ ହେବାକୁ ଯାଉଛି । ଏହି ସିଜିନର ପ୍ରଥମ ଏପିସୋଡ୍ ପ୍ରଥମେ ଜିଓ ହଟଷ୍ଟାରରେ ଏବଂ ତା’ପରେ ଟିଭିରେ ଆସିବ। ଏହି ସିଜିନ୍ ୨୪ ଅଗଷ୍ଟରୁ ଆରମ୍ଭ ହେଉଛି । ସଲମାନ ଖାନଙ୍କ ଅନେକ ପ୍ରୋମୋ ଆସିଛି । ଯେଉଁଥିରେ ସେ ଜଣେ ନେତା ଭାବରେ ନଜର ଆସିଛନ୍ତି । ୧୯ତମ ସିଜିନ୍ ରାଜନୈତିକ ବିଷୟବସ୍ତୁ ଉପରେ ଆଧାରିତ। ଶୋ’ ପାଇଁ ପ୍ରାୟ ସମସ୍ତ ପ୍ରତିଯୋଗୀଙ୍କ ନାମ ଚୂଡ଼ାନ୍ତ ହୋଇଛି । ଏହି ସମୟରେ ପହଲଗାମ୍ ଆକ୍ରମଣରେ ସହିଦ ହୋଇଥିବା ଭାରତୀୟ ସେନା ସୈନିକ ବିନୟ ନରୱାଲଙ୍କ ପତ୍ନୀ ହିମାଂଶୀ ଚର୍ଚ୍ଚାରେ ଅଛନ୍ତି। ତାଙ୍କୁ ‘ବିଗ୍ ବସ୍ ୧୯’ ପାଇଁ ଅଫର୍ ମିଳିଥିବା ଖବର ଆସିଛି।

ରିପୋର୍ଟ ଅନୁଯାୟୀ, ‘ବିଗ୍ ବସ୍ ୧୯’ର ନିର୍ମାତାମାନେ ଏଥର ଶୋ’ରେ ହିମାଂଶୀ ନରୱାଲଙ୍କୁ ଆଣିବାକୁ ଚାହୁଁଛନ୍ତି। ଏହାର କାରଣ ହେଉଛି ଜନସାଧାରଣ। ପ୍ରକୃତରେ, ପହଲଗାମରେ ଆକ୍ରମଣ ପରଠାରୁ ଦର୍ଶକ ହିମାଂଶୀ ନରୱାଲଙ୍କ ସହ ଯୋଡ଼ି ହୋଇଛନ୍ତି। ଏବଂ ନିର୍ମାତାମାନେ ଚାହାଁନ୍ତି ଯେ ସେହି ଲୋକମାନେ ସେମାନଙ୍କ ଶୋ’ର ଅଂଶ ହୁଅନ୍ତୁ ଯାହାଙ୍କ ସହିତ ଲୋକମାନେ ପୂର୍ବରୁ ଯୋଡ଼ି ହୋଇପାରୁଛନ୍ତି । ଏହି କାରଣରୁ ତାଙ୍କୁ ଏହି ସିଜିନରେ ନେବା ନେଇ ଆଲୋଚନା ହୋଇଛି।

ସୌଜନ୍ୟ – ସମ୍ବାଦ