ସାଥୀ ଡାକ୍ତରଙ୍କ ଦ୍ବାରା ବଏଜ ହ‌ଷ୍ଟେଲରେ ଡାକ୍ତରାଣୀ ଦୁଷ୍କର୍ମର ଶିକାର

ସୂଚନାନୁସାରେ, ଗତରବିବାର ସନ୍ଧ୍ୟାରେ ଗ୍ୱାଲିଅରରେ ଜଣେ ଜୁନିଅର ଡାକ୍ତରାଣୀଙ୍କୁ ତାଙ୍କର ସହକର୍ମୀ ମେଡିକାଲ କଲେଜର ବଏଜ ହଷ୍ଟେଲକୁ ନେବା ଦୁଷ୍କର୍ମ କରିଥିଲେ। ଦୁଷ୍କର୍ମର ଶିକାର ହୋଇଥିବା ମହିଳା ଡାକ୍ତରାଣୀ ବ୍ୟାକ ପେପରର ପରୀକ୍ଷା ଦେବା ପାଇଁ ଗ୍ୱାଲିଅର ଆସିଥିଲେ। ଡାକ୍ତରାଣୀଙ୍କଚ ଦୁଷ୍କର୍ମ କରିବା ପରେ ସାଥୀ ଡାକ୍ତର ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ପୀଡ଼ିତା ଜୁନିଅର ଡାକ୍ତରାଣୀଙ୍କ ବୟସ ୨୫ବର୍ଷ ଥିବା ଜଣାପଡ଼ିଛି। ଡାକ୍ତରାଣୀ ରବିବାର ସନ୍ଧ୍ୟାରେ ଗ୍ୱାଲିଅରର କମ୍ପୁ ପୁଲିସ ଷ୍ଟେସନରେ ପହଞ୍ଚି ଅଭିଯୋଗ କରି କରିଥିଲେ, ‘ମୁଁ ଏମବିବିଏସର ଶେଷ ବର୍ଷର ବ୍ୟାକ ଥିବା ପେପରର ପରୀକ୍ଷା ଦେବା ପାଇଁ ଦାତିୟାରୁ ଗ୍ୱାଲିଅର ଆସିଥିଲି। ପରୀକ୍ଷା ଶେଷହେବାପରେ ଗ୍ୱାଲିଅରରେ ପଢ଼ୁଥିବା ମୋର ଜଣେ ସାଥୀ ଡାକ୍ତର
ସଞ୍ଜୟ କୁମାର ଇଭାନେଙ୍କୁ ଭେଟିଥିଲି। କିଛି ସମୟ ସେ ମୋ ସହ କଥା ହେବାପରେ ମୋତେ ପୁରୁଣା ବଏଜ ହଷ୍ଟେଲରେ ଥିବା ତାଙ୍କ କୋଠରିକୁ ନେଇ ଯାଇଥିା‌ଲେ। ସେଠାରେ ମୋତେ ହତ୍ୟା ପାଇଁ ଧମକ ଦେଇ ଦୁଷ୍କର୍ମ କରିଥିଲେ। ମୁଁ ବହୁତ କଷ୍ଟରେ ତାଙ୍କ କବଳରୁ ମୁକୁଳି ଆସି ଲୋକଲଜ୍ଜାକୁ ଖାତିର ନକରି ପୁଲିସରେ ଅଭିଯୋଗ କରିଛି।