ସାନଭାଇକୁ ହରାଇଲେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ

ହାଇଦ୍ରାବାଦ: ଦୀର୍ଘ ଦିନ ଧରି ଅସୁସ୍ଥ ରହିବା ପରେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ସାନଭାଇ ରାମମୂର୍ତ୍ତି ନାଇଡୁଙ୍କର ଶନିବାର ହାଇଦ୍ରାବାଦରେ ଦେହାନ୍ତ ହୋଇଛି। ହୃଦୟ ଏବଂ ଶ୍ୱାସକ୍ରିୟାରେ ସମସ୍ୟା ହେତୁ ତାଙ୍କୁ ତିନି ଦିନ ପୂର୍ବରୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ ସେ ଭେଣ୍ଟିଲେଟରରେ ଥିଲା। ୧୯୯୪ରୁ ୧୯୯୯ପର୍ଯ୍ୟନ୍ତ ଚନ୍ଦ୍ରଗିରି ନିର୍ବାଚନମଣ୍ଡଳୀରୁ ରାମମୂର୍ତ୍ତି ନାଇଡୁ ତେଲୁଗୁ ଦେଶମ ପାର୍ଟି (ଟିଡିପି)ର ବିଧାୟକ ଥିଲେ। ତାଙ୍କ କାର୍ଯ୍ୟକାଳ ମଧ୍ୟରେ ଦଳକୁ ତୃଣମୂଳ ସ୍ତରର ମଜବୁତ କରିବାରେ ସେ ସକ୍ରିୟ ଭୂମିକା ଗ୍ରହଣ କରିଥିଲେ।

ଏଆଇଜି ହସ୍ପିଟାଲର ସୂତ୍ର ଅନୁଯାୟୀ, ଆଜି ଦିନ ୧୨:୪୫ରେ ହୃଦଘାତରେ ତାଙ୍କର ଦେହାନ୍ତ ଘଟିଛି। ବିଭିନ୍ନ ଦଳର ନେତା ରାମମୂର୍ତ୍ତିଙ୍କ ଦେହାନ୍ତକୁ ନେଇ ସମବେଦନା ଜଣାଇଛନ୍ତି। ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ଭାଇଙ୍କ ଦେହାନ୍ତ ଖବର ପାଇ ତେଲେଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ, ପୂର୍ବତନ ରାଜ୍ୟସଭା ସଦସ୍ୟ କନକମେଦଲା ରବିନ୍ଦ୍ରକୁମାର ଏବଂ ଆନ୍ଧ୍ରପ୍ରଦେଶର ଟିଡିପି ସରକାରରେ ମନ୍ତ୍ରୀ ନାରାୟଣ ରାମମୂର୍ତ୍ତି ଗଭୀର ସମବେଦନା ଜଣାଇଛନ୍ତି। ତେଲେଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ ସମବେଦନା ଜଣାଇ କହିଛନ୍ତି, ‘ରାମମୂର୍ତ୍ତି ନାଇଡୁଙ୍କ ଦେହାନ୍ତ ହେବା ଦୁଃଖଦାୟକ। ମୁଁ ତାଙ୍କ ପବିତ୍ର ଆତ୍ମାର ଶାନ୍ତି ଏବଂ ତାଙ୍କ ପରିବାରକୁ ସାହସ ଦେବା ପାଇଁ ଈଶ୍ବରଙ୍କ ନିକଟରେ ପ୍ରାର୍ଥନା କରୁଛି |

ସୌଜନ୍ୟ – ସମ୍ବାଦ