ସିଙ୍ଗାପୁର କୋର୍ଟଙ୍କ ବଡ ରାୟ : ଜୁବିନ ଗର୍ଗଙ୍କ ମୃତ୍ୟୁ କେବଳ ଏକ ଦୁର୍ଘଟଣା, କୌଣସି ଷଡଯନ୍ତ୍ର ନୁହେଁ
ସିଙ୍ଗାପୁର କୋର୍ଟ ପ୍ରସିଦ୍ଧ ଗାୟିକା ଜୁବୀନ ଗର୍ଗଙ୍କ ମୃତ୍ୟୁ ସମ୍ପର୍କରେ ରାୟ ପ୍ରଦାନ କରିଛନ୍ତି। ବୁଧବାର ଷ୍ଟେଟ୍ କରୋନର୍ କୋର୍ଟ ପୋଲିସ ତଦନ୍ତ ରିପୋର୍ଟକୁ ସମର୍ଥନ କରି କହିଛନ୍ତି ଯେ ଗାୟକଙ୍କ ମୃତ୍ୟୁ ଏକ ଦୁଃଖଦ ଦୁର୍ଘଟଣା ଥିଲା। ଏଥିରେ କୌଣସି ପ୍ରକାରର ଷଡ଼ଯନ୍ତ୍ର ନଥିଲା।
ନୂଆଦିଲ୍ଲୀ ୨୫।୦୩: ଆସାମର ପ୍ରସିଦ୍ଧ ଗାୟିକା ଜୁବୀନ ଗର୍ଗଙ୍କ ମୃତ୍ୟୁ ମାମଲାରେ ସିଙ୍ଗାପୁରର ଏକ କୋର୍ଟ ତାଙ୍କ ରାୟ ପ୍ରକାଶ କରିଛନ୍ତି। ବୁଧବାର ଷ୍ଟେଟ୍ କରୋନର୍ କୋର୍ଟ ପୋଲିସ ତଦନ୍ତକୁ ସମର୍ଥନ କରି କହିଛନ୍ତି ଯେ ସିଙ୍ଗରଙ୍କ ମୃତ୍ୟୁ ଏକ ଦୁଃଖଦ ଦୁର୍ଘଟଣା ଥିଲା, ଏଥିରେ କୌଣସି ପ୍ରକାର ଷଡଯନ୍ତ୍ର ନଥିଲା। ଗତ ବର୍ଷ ସେପ୍ଟେମ୍ବରରେ ସିଙ୍ଗାପୁରର ଏକ ଦ୍ବୀପରେ ଜୁବୀନ ଗର୍ଗ ବୁଡ଼ି ଯାଇଥିଲେ, ଯାହା ପରେ ତାଙ୍କ ପତ୍ନୀ ଏବଂ ପରିବାର ତଦନ୍ତ ଉପରେ ପ୍ରଶ୍ନ ଉଠାଇଥିଲେ।
କୋର୍ଟଙ୍କ ରିପୋର୍ଟ ଅନୁଯାୟୀ, ଘଟଣା ସମୟରେ ୫୨ ବର୍ଷୀୟ ଜୁବୀନଅତ୍ୟଧିକ ମଦ୍ୟପାନ କରିଥିଲେ। ତାଙ୍କ ଟକ୍ସିକୋଲୋଜି ରିପୋର୍ଟରେ ରକ୍ତରେ ଆଲକୋହଲ ପରିମାଣ ୩୩୩ ମିଲିଗ୍ରାମ ଦର୍ଶାଯାଇଥିଲା, ଯାହା ସିଙ୍ଗାପୁରରେ ଆଇନଗତ ସୀମା (୮୦ ମିଲିଗ୍ରାମ) ଠାରୁ ଚାରି ଗୁଣ ଅଧିକ। କରୋନର କୋର୍ଟ ରାୟ ଦେଇଥିଲେ ଯେ ,ଏତେ ନିଶାଗ୍ରସ୍ତ ଥିଲେ ଯେ ସେ ସଠିକ୍ ନିଷ୍ପତ୍ତି ନେଇପାରିଲେ ନାହିଁ। ସେ ପ୍ରଥମେ ଏକ ଲାଇଫ୍ ଜ୍ୟାକେଟ୍ ପିନ୍ଧିଥିଲେ, କିନ୍ତୁ ପ୍ରଥମ ଥର ପହଁରିବା ପରେ ଏହାକୁ କାଢ଼ି ଦେଇଥିଲେ। ଦ୍ୱିତୀୟ ଥର ପାଣିରେ ପ୍ରବେଶ କରିବା ସମୟରେ, କ୍ୟାପ୍ଟେନ୍ ଏବଂ ଅନ୍ୟ କ୍ରୁ ସଦସ୍ୟଙ୍କ ଜିଦ୍ ସତ୍ତ୍ୱେ ସେ ଏହାକୁ ପିନ୍ଧିବାକୁ ସ୍ପଷ୍ଟ ଭାବରେ ମନା କରିଦେଇଥିଲେ।
ଉଲ୍ଲେଖନୀୟ ଯେ, ଜୁବୀନଙ୍କ ପତ୍ନୀ ସନ୍ଦେହ କରିଥିଲେ ତାଙ୍କୁ ପାଣିକୁ ଜାଣିଶୁଣ ଠେଲି ଦିଆଯାଇଥାଇପାରେ। ଷ୍ଟେଟ୍ କରୋନର ଆଡାମ ନାଖୋଡା ସ୍ପଷ୍ଟ କରିଛନ୍ତି ଯେ ପୋଲିସ ପୁଙ୍ଖାନୁପୁଙ୍ଖ ତଦନ୍ତ କରିଛି । କେହି ତାଙ୍କୁ ବଳପୂର୍ବକ କିମ୍ବା ପାଣିରେ ଠେଲି ଦେଇଥିବାର କୌଣସି ପ୍ରମାଣ ପାଇନାହିଁ। ଏପରିକି ଯେଉଁମାନେ ତାଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ ସେମାନେ ମଧ୍ୟ ନିଜର ଜୀବନକୁ ବାଜିରେ ଲଗାଇ ଚେଷ୍ଟା। କୋର୍ଟ କହିଛନ୍ତି ଯେ ଜୁବିନ୍ ନିଜ ଇଚ୍ଛାରେ ପହଁରିବା ପାଇଁ ପାଣିରେ ପ୍ରବେଶ କରିଥିଲେ ଏବଂ ବୁଡ଼ିଯିବା ସମୟରେ କେହି ଜାଣିଶୁଣି ତାଙ୍କ ମୁହଁକୁ ପାଣି ତଳେ ଚାପି ଦେଇ ନଥିଲେ।
ଏହି ଘଟଣାଟି ଗତ ବର୍ଷ ସେପ୍ଟେମ୍ବର ୧୯ରେ ଘଟିଥିଲା। ଭାରତ ଏବଂ ସିଙ୍ଗାପୁର ମଧ୍ୟରେ କୂଟନୈତିକ ସମ୍ପର୍କର ୬୦ ବର୍ଷ ପାଳନ ଅବସରରେ ଯୋଗଦେବା ପାଇଁ ଜୁବୀନ ସିଙ୍ଗାପୁରରେ ଥିଲେ। ତାଙ୍କୁ ‘ନର୍ଥ ଇଷ୍ଟ ଇଣ୍ଡିଆ ଫେଷ୍ଟିଭାଲ’ରେ ପରର୍ଫମ କରିବାର କାର୍ଯ୍ୟକ୍ରମ ଥିଲା। ସେ ଆସାମ ଏବଂ ସମଗ୍ର ଉତ୍ତର-ପୂର୍ବ ଭାରତର ସବୁଠାରୁ ଲୋକପ୍ରିୟ ଗାୟକମାନଙ୍କ ମଧ୍ୟରୁ ଜଣେ ଥିଲେ।ଗାୟକଙ୍କ ମୃତ୍ୟୁ ଖବର ପ୍ରଚାରିତ ହେବା ମାତ୍ରେ ଏହି ବଡ଼ କାର୍ଯ୍ୟକ୍ରମକୁ ବାତିଲ କରିଦିଆଗଲା। ଜୁବିନ୍ ଲାଜାରସ୍ ଦ୍ୱୀପ ନିକଟରେ ବନ୍ଧୁମାନଙ୍କ ସହିତ ପାର୍ଟି କରୁଥିଲେ,ସେତେବେଳେ ଏହି ଦୁର୍ଘଟଣା ଘଟିଥିଲା।
ଭାରତରେ ଫାଷ୍ଟ-ଟ୍ରାକ୍ କୋର୍ଟରେ ମାମଲା
ଅନ୍ୟପକ୍ଷେ ଭାରତରେ ଗୌହାଟି ହାଇକୋର୍ଟ ଜୁବୀନଙ୍କ ମୃତ୍ୟୁ ମାମଲାର ପ୍ରତିଦିନ ଶୁଣାଣି କରିବା ପାଇଁ ଏକ ସ୍ୱତନ୍ତ୍ର ଫାଷ୍ଟ-ଟ୍ରାକ୍ ସେସନ୍ସ କୋର୍ଟ ପ୍ରତିଷ୍ଠା କରିଛନ୍ତି। ବକ୍ସା ଜିଲ୍ଲାର ଜିଲ୍ଲା ବିଚାରପତି ଶର୍ମିଲା ଭୂୟାଁ ଏହି ଫାଷ୍ଟ-ଟ୍ରାକ୍ କୋର୍ଟର ଅଧ୍ୟକ୍ଷତା କରିବେ। ଗୌହାଟି ହାଇକୋର୍ଟର ମୁଖ୍ୟ ବିଚାରପତି ଏହି ନିଯୁକ୍ତି ଦେଇଛନ୍ତି। ଆସାମ ପୋଲିସ ସିଆଇଡିର ଏକ ସ୍ୱତନ୍ତ୍ର ତଦନ୍ତ ଦଳ (SIT) ମାମଲାର ତଦନ୍ତ କରି ସ୍ଥାନୀୟ କୋର୍ଟରେ ଏକ ଚାର୍ଜସିଟ୍ ଦାଖଲ କରିଛି, ଯେଉଁଥିରେ ସାତ ଜଣଙ୍କୁ ଅଭିଯୁକ୍ତ ଭାବରେ ନାମିତ କରାଯାଇଛି।
ସୌଜନ୍ୟ Prameya News7
