ସ୍କୁଟି ଓ କାର୍ ମୁହାଁମୁହିଁ ଧକ୍କା: ଚାଲିଗଲା ମହିଳାଙ୍କ ଜୀବନ, ଜଣେ ଗୁରୁତର

କମର୍ଦ୍ଦା/ଭୋଗରାଇ: ବାଲେଶ୍ବର ଜିଲ୍ଲା କମର୍ଦ୍ଦା ଥାନା ଅନ୍ତର୍ଗତ ଛଣପୋଖରୀ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଜଳେଶ୍ଵର-ଚନ୍ଦନେଶ୍ଵର ୫୭ ନମ୍ବର ରାଜ୍ୟ ରାଜପଥ କମର୍ଦ୍ଦା ଥାନା ଛଣପୋଖରୀ ଠାରେ ସ୍କୁଟି କାର ମୁହାଁମୁହିଁ ଧକ୍କା ହେଇଥିଲା। ଘଟଣା ସ୍ଥଳରେ ସ୍କୁଟି ଚାଳକର ମୃତ୍ୟୁ ଘଟିଥିବା ବେଳେ ପଛରେ ବସିଥିବା ଯୁବକ ଜଣଙ୍କ ଗୁରୁତର ହୋଇଥିଲେ। ଗୁରୁତର ଅବସ୍ଥାରେ ଉଦ୍ଧାର କରି କମର୍ଦ୍ଦା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ନିଆଯାଇଥିଲା ବେଳେ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାଲେଶ୍ବର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ମୃତ ବ୍ୟକ୍ତି ହେଲେ ପଶ୍ଚିମବଙ୍ଗ ରାଜ୍ୟର କଶିଦା ଗ୍ରାମର ଅବନ୍ତୀ କୁମାର କର। ଘଟଣାସ୍ଥଳରେ କାର ଚାଳକ ଫେରାର ହେଇଥିବା ବେଳେ କାର ଓ ସ୍କୁଟିକୁ ଜବତ କରି କମର୍ଦ୍ଦା ପୁଲିସ ତଦନ୍ତ କରୁଛି।

ଏକ ସ୍କୁଟି ଏବଂ ମାରୁତି ଡିଜାୟାର କାର ମୁହାଁମୁହିଁ ଧକ୍କା ହେବା ଫଳରେ ଘଟଣା ସ୍ଥଳରେ ସ୍କୁଟି ଆରୋହୀଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି। କୁହୁଡ଼ି ଯୋଗୁଁ ଏହି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି।

ସୂଚନା ଅନୁଯାୟୀ, ଆଜି ଭୋର ସମୟରେ ପଶ୍ଚିମବଙ୍ଗ କସିଦା ଗ୍ରାମର ଅବନ୍ତି କର ନିଜ ସ୍କୁଟି ଯୋଗେ କମର୍ଦ୍ଦାରୁ ଘରକୁ ଫେରୁଥିବା ବେଳେ ଛଣ ପୋଖରୀ ଛକ ନିକଟରେ ଚନ୍ଦନେଶ୍ବର ପଟୁ ଜଳେଶ୍ବର ଅଭିମୁଖେ ଯାଉଥିବା ଏକ ପଶ୍ଚିମବଙ୍ଗ ନମ୍ବରର ମାରୁତି ଡିଜାୟାର କାର ସହ ମୁହାଁମୁହିଁ ଧକ୍କା ହୋଇଥିଲା। ଘଟଣା ସ୍ଥଳରେ ହିଁ ଅବନ୍ତୀଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ପଛରେ ବସିଥିବା ଯୁବକଜଣକ ଗୁରୁତର ହୋଇଛନ୍ତି। ଦମକଳ ବାହିନୀ  ମୃତାହତଙ୍କୁ ଉଦ୍ଧାର କରି କମର୍ଦ୍ଦା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି। ଖବର ପାଇ କମର୍ଦ୍ଦା ଥାନା ପୁଲିସ କାର ଏବଂ ସ୍କୁଟିକୁ ଜବତ କରି ଘଟଣାର ତଦନ୍ତ କରୁଛି।