୨ଟି ଗୋରୁ ବୋଝେଇ ଟ୍ରକ୍‌ ଜବତ: ୮୧ ଗୋରୁ ଉଦ୍ଧାର, ଜଣେ ଅଟକ

ବିନିକା, ୦୪/୧୧: ବିନିକା ପୋଲିସକୁ ବଡ଼ ସଫଳତା । ଗୋରୁ ଚାଲାଣ ହେଉଥିବା ବେଳେ ମାଡ଼ି ବସିଲା ପୋଲିସ । ବୁଧବାର ସୁବର୍ଣ୍ଣପୁର ଜିଲ୍ଲା ବିନିକା ମହାନଦୀ ବ୍ରିଜ ଉପରେ ୨ ଟି ଟ୍ରକ୍‌ରୁ ୮୧ ଗୋରୁ ଉଦ୍ଧାର କରିଛି । ଏହି ଘଟଣାରେ ଜଣେ ଡ୍ରାଇଭର ଫେରାର ହୋଇଥିବା ବେଳେ ଅନ୍ୟ ଜଣଙ୍କୁ ଅଟକ ରଖାଯାଇଛି । ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳରେ ଏଭଳି ଘଟଣା ଘଟିଛି ।

ସୂଚନା ମୁତାବକ, ମଙ୍ଗଳବାର ବିଳମ୍ବିତ ରାତିରେ ଗୋରୁ ଚାଲାଣ ହେଉଥିବା ବିନିକା ପୋଲିସ ଖବର ପାଇଥିଲା । ଏସ ରାମପୁର ପଟରୁ ଆସୁଥିବା ୨ ଟି ଟ୍ରକ୍‌କୁ ବିନିକା ମହାନଦୀ ବ୍ରିଜ୍‌ ଉପରେ ପୋଲିସ ଅଟକାଇ ଯାଞ୍ଚ କରିଥିଲା । ଯାଞ୍ଚ କରିବାରୁ ଟ୍ରକ୍‌ରେ ଗୋରୁ ଭର୍ତ୍ତି ହୋଇଥିବା ଜାଣିବାକୁ ପାଇଥିଲେ । ଏହାରି ଭିତରେ ଗାଡ଼ି ଛାଡ଼ି ଜଣେ ଟ୍ରକ୍ ଡ୍ରାଇଭର ଫେରାର ମାରିଥିବା ବେଳେ ଜଣେ ଟ୍ରକ ଡ୍ରାଇଭରକୁ ପୋଲିସ ଗିରଫ କରିଛି । ଅନ୍ୟପଟେ ଗୋରୁମାନଙ୍କୁ ଉଦ୍ଧାର କରି ପୋଲିସ ବିନିକା ସ୍ଥିତ ପିତେଇପାଲି ଗଜବନ୍ଧ କାମଧେନୁ ଗୋ ସେବାଶ୍ରମରେ ରକ୍ଷଣା ବେକ୍ଷଣା ଲାଗି ଛାଡ଼ିଛି । ଏନେଇ ସୂଚନା ଦେଇଛନ୍ତି ବିନିକା ଥାନା ଏସଆଇ ଅନୀଲ ବେହେରା |
ସୌଜନ୍ୟ-ପ୍ରମେୟ