୮୩,୦୦୦ ଡେଇଁଲା ସୁନା ଦର

ନୂଆଦିଲ୍ଲୀ,୨୫।୧ (ଅଭୟ ଦାଶ): କ୍ରମାଗତ ଭାବେ ଘରୋଇ ବଜାରରେ ସୁନା ଦର ବୃଦ୍ଧି ପାଇ ଚାଲିଛି। ଏପରି କି ୮ମ ଦିନ ଲାଗି ସୁନା ଦର ବଢ଼ିଥିବାବେଳେ ରୁପା ଦରରେ ମଧ୍ୟ ବୃଦ୍ଧି ଦେଖିବାକୁ ମିଳିଛି। ଉଲ୍ଲେଖଯୋଗ୍ୟ, ଶୁକ୍ରବାର ଜାତୀୟ ବଜାରରେ ସୁନା ଦର ୨୦୦ ଟଙ୍କା ପ୍ରତି ୧୦ ଗ୍ରାମ ପିଛା ବଢ଼ି ପ୍ରାୟ ୮୩,୦୦୦ (୮୨,୯୦୦ ଟଙ୍କା) ଟଙ୍କାର ନିକଟବର୍ତ୍ତୀ ହୋଇଛି। ଅପରପକ୍ଷରେ ପ୍ରିସିୟମ ମେଟାଲ ୯୯.୯% (୨୪ କ୍ୟାରେଟ୍‌) ଦରରେ ୨୦୦ ଟଙ୍କା ବୃଦ୍ଧି ଘଟି ୮୩,୧୦୦ ଟଙ୍କାରେ ପହଞ୍ଚତ୍ଛି ବୋଲି ଅଲ ଇଣ୍ଡିଆ ସରାଫ ଆସୋସିଏଶନ ପକ୍ଷରୁ ବିସ୍ତୃତ ଭାବେ ସୂଚନା ଦିଆଯାଇଛି। ଏପରି କି ଗୁରୁବାର ଏହି ଦର ପ୍ରତି ୧୦ଗ୍ରାମ ପିଛା ୮୨,୯୦୦ ଟଙ୍କା ଥିଲା। ସେହିଭଳି ବଜାରରେ ୟେଲୋ ମେଟାଲର ୯୯.୫%ର ଦରରେ ୨୦୦ ଟଙ୍କା ବଢି ୮୨,୭୦୦ ଟଙ୍କା ହୋଇଛି। ଗୁରୁବାର ସୁନା ଦର ପ୍ରତି ୧୦ ଗ୍ରାମ ପିଛା ୮୨,୫୦୦ଟଙ୍କା ଥିଲା। ଏପରି କି ରୁପା ଦରରେ ମଧ୍ୟ ୫୦୦ ଟଙ୍କା ବୃଦ୍ଧି ଘଟି ପ୍ରତି କିଲୋଗ୍ରାମ ପିଛା ୯୪,୦୦୦ ଟଙ୍କାରେ ପହଞ୍ଚତ୍ଛି। ଗୁରୁବାର ଏହି ଦର ୯୩,୫୦୦ ଟଙ୍କାରେ କାରବାର ହେଉଥିଲା।
ସେହିପରି ଭୁବନେଶ୍ୱରରେ ୨୪ କ୍ୟାରେଟ ସୁନା ଦର ପ୍ରତି ୧୦ ଗ୍ରାମ ପିଛା ୮୨,୪୨୦ ଟଙ୍କା ଥିଲାବେଳେ ୨୨ କ୍ୟାରେଟ ସୁନା ଦର ପ୍ରତି ୧୦ଗ୍ରାମ ପିଛା ୭୫,୫୫୦ ଟଙ୍କାରେ କାରବାର ହେଉଛି। ଏପରି କି ୧୮ କ୍ୟାରେଟ ସୁନା ଦର ପ୍ରତି ୧୦ ଗ୍ରାମ ପିଛା ୬୧,୮୧୦ ଟଙ୍କା ଥିଲାବେଳେ ରୁପା ଦର କିଲୋଗ୍ରାମ ପିଛା ୧,୦୫,୦୦୦ ଟଙ୍କା ରହିଛି। ଏ ନେଇ ବଜାର ବିଶେଷଜ୍ଞ ତଥା ଆକ୍ସିସ ସିକ୍ୟୁରିଟିର ( ରିସର୍ଚ୍ଚ ଆନାଲିଷ୍ଟ- କମ୍ୟୁଡିଟିଜ)ଦେବୟା ଗଗଲାନି କହିଥିଲେ, ବର୍ତ୍ତମାନ ସମୟରେ ବଜାର ଅସ୍ଥିରତା ଓ ଅନ୍ତଃରାଷ୍ଟ୍ରୀୟ ସମସ୍ୟା ସହିତ ଟ୍ରମ୍ପଙ୍କ ନୂଆ ଟ୍ରେଡ ପଲିସି (ନୀତି) ଯୋଗୁ ସୁନା ଦର ବୃଦ୍ଧି ପାଉଛି। ଏପରିକି ଟ୍ରମ୍ପଙ୍କ ନୀତିକୁ ନେଇ ବଜାରରେ ଅନିଶ୍ଚିତତା ଦେଖାଦେବା ସହିତ ଏମ୍‌ସିଏକ୍ସ ଦରରେ ଅସ୍ଥିରତା ସହ ସୁନା ଦର ରେକର୍ଡ ସ୍ତରରେ ପହଞ୍ଚତ୍ଛି। ସେହିଭଳି ଆଗାମୀ ଦିନରେ ମଧ୍ୟ ଟ୍ରମ୍ପ୍‌ ନୂଆ ନିୟମ ଓ ବାଣିଜ୍ୟ ନୀତି ଲାଗୁ କରିବା ନେଇ ଘୋଷଣା ପରେ ବଜାର ଦର ଅକ୍ମସାତ ଭାବେ ବୃଦ୍ଧି ପାଇଛି।

ସୌଜନ୍ୟ-ଧରିତ୍ରୀ