କଟକ ଛତ୍ରବଜାରରେ ଯୋଗାଣ ବିଭାଗର ଚଢ଼ାଉ । ବେପାରୀଙ୍କ ମଧ୍ୟରେ ଛନକା ।

କନକ ବ୍ୟୁରୋ: କଟକ ଛତ୍ରବଜାରରେ ଚଢାଉ । ସକାଳୁ ସକାଳୁ ଯୋଗାଣ ବିଭାଗର ଚଢାଉ ଜାରି । ଉତ୍ତରପ୍ରଦେଶରୁ ଆଳୁ ଗାଡ଼ି ଆସିବା ପରେ ଆଳୁ ଦର କାହିଁକି କିମୁନି ଏନେଇ ଚଢାଉ କରିଛି ଯୋଗାଣ ବିଭାଗ । କେତେ ଟଙ୍କାରେ ବିକ୍ରି କରୁଛନ୍ତି, ଏହାକୁ ନେଇ ବେପାରୀଙ୍କୁ ତାଗିଦ କରିଛନ୍ତି ଯୋଗାଣ ଅଧିକାରୀ । ସଠିକ ଦରରେ ଆଳୁ ବିକ୍ରି ନକଲେ ଦୋକାନ ସିଲ୍ କରିବାକୁ କଲେ ତାଗିଦ। ଉତ୍ତର ପ୍ରଦେଶରୁ ଓଡ଼ିଶାକୁ ଆସିଲା ଆଳୁ ଟ୍ରକ୍ । ଆଇଗଣିଆ ଗୋଦାମ ନିକଟରେ ପହଞ୍ଚିଲା ଆଳୁ ଟ୍ରକ୍ । ଆଜି ଦିନ ଭିତରେ ଆସି ପହଞ୍ଚିବ ମୋଟ୍ ୩ଶହ ଗାଡି । ଆଳୁ ଆସିବା ପରେ ଆଜିଠୁ ସ୍ବାଭାବିକ୍ ହେବ ଆଳୁ ଦର । ପଶ୍ଚିମବଙ୍ଗରୁ ଆଳୁ ଆସିବା ବନ୍ଦ ହେବା ପରେ ରାଜ୍ୟରେ ଆଳୁ ଦର ୫୦ ଟଙ୍କାରେ ପହଞ୍ଚିଛି । ତେବେ ଉତ୍ତରପ୍ରଦେଶରୁ ଆଳୁ ଗାଡ଼ି ଆସିବା ପରେ ଆଜିଠୁ ଆଳୁ ଦର କମିବାର ସମ୍ଭାବନା ରହିଛି ।

ସୌଜନ୍ୟ-କନକ