ମେଲବର୍ନ ବିମାନବନ୍ଦରରେ କୋହଲିଙ୍କ ସହ ଏମିତି କଲେ ବିଦେଶୀ ଖବରଦାତା, ରାଗିଗଲେ କିକ୍ରେଟର୍‌, ଜାଣନ୍ତୁ ପୂରା ମାମଲା

ନୂଆଦିଲ୍ଲୀ,୧୯।୧୨: ଭାରତୀୟ କ୍ରିକେଟର ବିରାଟ କୋହଲିଙ୍କ ବିଷୟରେ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି। ମେଲବର୍ନ ବିମାନବନ୍ଦରରେ କୋହଲିଙ୍କ ସହ ବିବାଦ ହୋଇଛି। ଖବର ଅନୁଯାୟୀ ମେଲବର୍ନ ବିମାନବନ୍ଦରରେ ଉପସ୍ଥିତ ଥିବା ଟିଭି ଖବରଦାତାଙ୍କ ଉପରେ ବିରାଟ ରାଗିଯାଇଛନ୍ତି। ଫଟୋ କିମ୍ବା ଭିଡିଓ ନ ନିଆଯିବାକୁ କୋହଲି ଅନୁରୋଧ କରିଥିଲେ। କିନ୍ତୁ ଏହା ସତ୍ତ୍ୱେ ସେ ଭିଡିଓ କରିଥିଲେ, ଯାହା ପରେ ବିରାଟ ରାଗିଯାଇଥିଲେ। ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଟେଷ୍ଟ ସିରିଜର ଚତୁର୍ଥ ମ୍ୟାଚ ମେଲବର୍ନରେ ଖେଳାଯିବ।

ବାସ୍ତବରେ ଟିମ ଇଣ୍ଡିଆ ଗୁରୁବାର ବ୍ରିସବେନରୁ ମେଲବର୍ନରେ ପହଞ୍ଚିଛି। ବିମାନ ବନ୍ଦରରେ ବିଦେଶୀ ଗଣମାଧ୍ୟମର ଅନେକ ଖବରଦାତା ଉପସ୍ଥିତ ଥିଲେ। ମିଳିଥିବା ଖବର ଅନୁଯାୟୀ କୋହଲିଙ୍କ ପରିବାର ମଧ୍ୟ ମେଲବର୍ନରେ ପହଞ୍ଚିଛନ୍ତି। ଏଠାରେ ସେ ଫଟୋ କିମ୍ବା ଭିଡିଓ ନ ନେବାକୁ ଖବରଦାତାମାନଙ୍କୁ ଅନୁରୋଧ କରିଥିଲେ। କିନ୍ତୁ ସେମାନେ ମାନି ନ ଥିଲେ। ଫଳରେ କୋହଲି ଏଥିରେ ବିରକ୍ତ ହୋଇ ଏଥିରେ ଅସନ୍ତୋଷ ବ୍ୟକ୍ତ କରିଥିଲେ। କୋହଲି କହିଛନ୍ତି, ମୁଁ ମୋ ପିଲାମାନଙ୍କ ସହିତ ଗୋପନୀୟତା ଚାହୁଁଛି। ମୋର ସମ୍ମତି ବିନା ତୁମେ ଶୁଟିଂ କରିପାରିବ ନାହିଁ ।

ବିରାଟ ତାଙ୍କ ପରିବାର ପ୍ରତି ଅତ୍ୟନ୍ତ ସମ୍ବେଦନଶୀଳ । ତାଙ୍କ ଝିଅ ଭାମିକା ଜନ୍ମ ପରେ ମଧ୍ୟ ସେ ସୋସିଆଲ ମିଡିଆ ପୋଷ୍ଟରେ ଗୋପନୀୟତା ରଖିବାକୁ ଅନୁରୋଧ କରିଥିଲେ। ସେ ଏହା ଅନେକ ଥର ଉଲ୍ଲେଖ କରିଛନ୍ତି। ବିରାଟ ତାଙ୍କ ପରିବାରକୁ ଗଣମାଧ୍ୟମଠାରୁ ଦୂରରେ ରଖିବାକୁ ପସନ୍ଦ କରନ୍ତି।

ସୌଜନ୍ୟ-ଧରିତ୍ରୀ