୨୪ରେ ବି ସନମୀରା ଅନୁପସ୍ଥିତ

୨୦୨୪ରେ ବଡ଼ ପରଦାରେ ଓଲିଉଡ୍‌ର କେତେଜଣ ନାମୀ ନାୟିକାଙ୍କୁ ଦେଖିବାକୁ ମିଳିନାହିଁ। ସେମାନଙ୍କ ମଧ୍ୟରୁ ଶିଶୁ କଳାକାରରୁ ନାୟିକା ବନିଥିବା ସନମୀରା ଅନ୍ୟତମ। ଏ ବର୍ଷ ସନମୀରା ନିଜର ପାଠପଢ଼ାକୁ ନେଇ ବ୍ୟସ୍ତ ଥିବାରୁ କୌଣସି ନୂଆ ସିନେମାରେ କାମ କରିନାହାନ୍ତି। ଏହାଛଡ଼ା ସନମୀରାଙ୍କ ଆଗାମୀ ଫିଲ୍ମ ‘ଚାରିଧାମ’ର  ବି କାମ ସରିନାହିଁ। ଏଣୁ ୨୦୨୩ ଭଳି ୨୦୨୪ରେ ବି ଅନୁପସ୍ଥିତ ତାଲିକାଭୁକ୍ତ ହୋଇଛନ୍ତି ସନମୀରା।

ପ୍ରଯୋଜକ ସୀତାରାମ ଅଗ୍ରୱାଲ ଓ ନିର୍ଦ୍ଦେଶକ ସୁଶାନ୍ତ ମଣିଙ୍କ ‘ସପନର ପଥେ ପଥେ’ ସିନେମାରେ ଅମ୍ଳାନଙ୍କ ବିପକ୍ଷରେ ନାୟିକା ଭାବେ ବ୍ରେକ୍ ପାଇଥିଲେ ସନମୀରା। ଏହାପରେ ସେ ‘ଲୈଲା ଓ ଲୈଲା’, ‘ଲଭ୍ ଏକ୍ସପ୍ରେସ୍’, ‘ଲୋକାଲ୍ ଟୋକା ଲଭ୍ ଚୋଖା ‘ ଓ ‘ଗୁପ୍‌ଚୁପ୍‌’ ଭଳି ସିନେମାରେ ନାୟିକା ଭୂମିକାରେ ଅଭିନୟ କରିସାରିଛନ୍ତି। ‘ଲୈଲା ଓ  ଲୈଲା’ରେ ଉଚ୍ଚକୋଟୀର ଅଭିନୟ କରି ସେ ଶ୍ରେଷ୍ଠ ଅଭିନେତ୍ରୀ ଭାବେ ରାଜ୍ୟ ଚଳଚ୍ଚିତ୍ର ପୁରସ୍କାର ମଧ୍ୟ ପାଇଛନ୍ତି। ୨୦୨୨ର ‘ଗୁପ୍‌ଚୁପ୍‌’ ଥିଲା ତାଙ୍କ ଅଭିନୀତ ଶେଷ ମୁକ୍ତିପ୍ରାପ୍ତ ସିନେମା।

ସୌଜନ୍ୟ-ସମ୍ୱାଦ