କିଏ ସେହି ହିମାନୀ ମୋର;ଯାହାଙ୍କ ହାତ ଧରିଲେ ନୀରଜ ଚୋପ୍ରା

ନୂଆଦିଲ୍ଲୀ,୨୦।୧: ଭାରତର ଷ୍ଟାର ଜାଭେଲିନ ଥ୍ରୋଅର୍‌ ନୀରଜ ଚୋପ୍ରା ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ନୀରଜ ସୋସିଆଲ ମିଡିଆ ମାଧ୍ୟମରେ ବିବାହ ଉତ୍ସବର କିଛି ଫଟୋ ଶେୟାର କରିଛନ୍ତି। ସେ ହିମାନୀ ମୋରଙ୍କୁ ବିବାହ କରିଛନ୍ତି। ଏବେ ପ୍ରଶ୍ନ ଉଠିଛି ହିମାନୀ ମୋର କିଏ? ତେବେ ହିମାନୀ ମୋର ମଧ୍ୟ ନୀରଜଙ୍କ ପରି ଭାରତ ପାଇଁ ସ୍ବର୍ଣ୍ଣ ପଦକ ଜିତିଛନ୍ତି।
ହିମାନୀ ଜଣେ ଟେନିସ ଖେଳାଳି ରହିଆସିଛନ୍ତି। ହରିୟାଣାର ସୋନିପତରୁ ଆସିଥିବା ହିମାନି ବର୍ତ୍ତମାନ ଫ୍ରାଙ୍କଲିନ ପିଅର୍ସ ବିଶ୍ୱବିଦ୍ୟାଳୟରୁ କ୍ରୀଡା ପରିଚାଳନାରେ ମାଷ୍ଟର ଡିଗ୍ରୀ ହାସଲ କରୁଛନ୍ତି। ହିମାନୀଙ୍କର ଜଣେ ଭାଇ ଅଛି ଏବଂ ସେ ମଧ୍ୟ ଟେନିସ ଖେଳନ୍ତି। ହିମାନୀ ଦିଲ୍ଲୀ ବିଶ୍ୱବିଦ୍ୟାଳୟ ପାଇଁ ଜାତୀୟ ସ୍ତରରେ ଟେନିସ ଖେଳିଛନ୍ତି। ସେ ତାଇପେରେ ଅନୁଷ୍ଠିତ ୨୦୧୭ ବିଶ୍ୱ ବିଶ୍ୱବିଦ୍ୟାଳୟ କ୍ରୀଡ଼ାରେ ଅଂଶଗ୍ରହଣ କରିଥିଲେ। ଏହା ପୂର୍ବରୁ ହିମାନି ସ୍ବର୍ଣ୍ଣ ପଦକ ଜିତିଥିଲେ।

ହିମାନୀଙ୍କ ସ୍କୁଲ ୱେବସାଇଟ ଅନୁଯାୟୀ, ସେ ମାଲେସିଆରେ ଅନୁଷ୍ଠିତ ବିଶ୍ୱ ଜୁନିଅର ଟେନିସ ଚାମ୍ପିଅନସିପ ୨୦୧୬ରେ ସ୍ବର୍ଣ୍ଣ ପଦକ ଜିତିଥିଲେ। ସେ ସୋନିପତର ଲିଟିଲ ଏଞ୍ଜେଲ୍ସ ସ୍କୁଲରୁ ତାଙ୍କର ସ୍କୁଲ ଶିକ୍ଷା କରିଥିଲେ।
ସ୍‌ସୂଚନାଯୋଗ୍ୟ ଯେ, ନୀରଜ ଚୋପ୍ରା ହଠାତ୍‌ ପ୍ରଶଂସକଙ୍କ ସହ ବିବାହ ବିଷୟରେ ସୂଚନା ସେୟାର କରିଥିଲେ। ସେ ସୋସିଆଲ ମିଡିଆରେ ବିବାହ ଉତ୍ସବର ତିନୋଟି ଫଟୋ ଶେୟାର କରିଛନ୍ତି। ଫଟୋଗୁଡ଼ିକର କ୍ୟାପସନ ଦେଇ ନୀରଜ ଚୋପ୍ରା ଲେଖିଛନ୍ତି, ମୋ ପରିବାର ସହିତ ଜୀବନର ଏକ ନୂତନ ଅଧ୍ୟାୟ ଆରମ୍ଭ କଲି।ନୀରଜ ଚୋପ୍ରା ଗୁପ୍ତ ଭାବରେ ବିବାହ କରିଥିଲେ।

ସୌଜନ୍ୟ-ଧରିତ୍ରୀ