୧୨ ବର୍ଷ ପରେ ରଣଜୀ ଖେଳିବେ ବିରାଟ କୋହଲି

ନୂଆଦିଲ୍ଲୀ: ୧୨ ବର୍ଷର ବନବାସ ପରେ ଘରୋଇ କ୍ରିକେଟ୍‌କୁ ଫେରିବାକୁ ଯାଉଥିବାରୁ କିଂବଦନ୍ତି ବ୍ୟାଟର୍ ବିରାଟ କୋହଲି ଏବେ ଚର୍ଚ୍ଚାରେ ରହିଛନ୍ତି। ରେଳବାଇ ବିପକ୍ଷରେ କୋହଲି ନିଜ ଘରୋଇ ଦଳ ଦିଲ୍ଲୀର ପ୍ରତିନିଧିତ୍ବ କରୁଥିବାର ବହୁ ପ୍ରତୀକ୍ଷିତ ଦୃଶ୍ୟ ‌ଦେଖିବାକୁ ପ୍ରଶଂସକ ବି ଚାହି ବସିଛନ୍ତି।

ଟିମ୍ ଇଣ୍ଡିଆର ଷ୍ଟାର ବ୍ୟାଟର ବିରାଟ କୋହଲି ଖେଳିବେ ରଣଜୀ ଟ୍ରଫି । ଆଜି ଦିଲ୍ଲୀ ଏବଂ ରେଲୱେ ମଧ୍ୟରେ ମ୍ୟାଚ ଖେଳାଯିବ । ଏଥିରେ ମୈଦାନକୁ ଓଲ୍ହାଇବେ ବିରାଟ କୋହଲି । ରଣଜୀ ଟ୍ରଫି ଖେଳିବା ପାଇଁ ବିରାଟ ଦିଲ୍ଲୀରେ ପହଞ୍ଚି ସାରିଛନ୍ତି । ମ୍ୟାଚ ଖେଳିବା ପାଇଁ ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ କୋହଲି ଅଭ୍ୟାସ କରୁଥିବାର ଭିଡିଓ ଓ ଫଟୋ ସାମ୍ନାକୁ ଆସିଛି । ଖେଳାଳି ମାନଙ୍କ ସହ କୌତହଳ କରୁଥିବାର ମଧ୍ୟ ଦେଖିବାକୁ ମିଳିଛି ।

କୁହାଯାଉଛି ବିରାଟଙ୍କ ପାଇଁ ଏହି ମ୍ୟାଚକୁ ଦର୍ଶକ ଫ୍ରିରେ ଦେଖିପାରିବେ । ତେଣୁ ବିରାଟଙ୍କ ପାଇଁ ସୁରକ୍ଷା ବଢାଇ ଦିଆଯାଇଛି । ବିରାଟ ଶେଷ ଥର ପାଇଁ ୨୦୧୨ରେ ରଣଜୀ ଖେଳିଥିଲେ । ତେବେ ୧୨ ବର୍ଷ ପରେ ବିରାଟ କୋହଲି ରଣଜୀ ଖେଳିବାକୁ ଓହ୍ଲାଇଛନ୍ତି । ରଣଜୀ ଖେଳିବା ଯୋଗୁ କୋହଲି ଥିବା ଖରାପ ଫର୍ମରୁ ବାହାରିବା ପାଇଁ ଚେଷ୍ଟା କରିବେ । ୨୦୨୪ରେ ଟେଷ୍ଟ କ୍ରିକେଟରେ ଖରାପ ଫର୍ମ ଦେଇ ଗତି କରିବା ପରେ ଏବେ ରଣଜୀ ଖେଳିବାକୁ କଠିନ ପରିଶ୍ରମ କରୁଛନ୍ତି କୋହଲି ।

ସୌଜନ୍ୟ-ସମ୍ୱାଦ