ଧୁରନ୍ଧର-୨ ଆଡଭାନ୍ସ ବୁକିଂ ; ଟିକେଟ୍ ଦାମ୍ ୩୦୦୦ ଟଙ୍କା ପରେ, ରିଲିଜ୍ ପୂର୍ବରୁ କଲା ୨୧ କୋଟିର କଲେକସନ୍

ମୁମ୍ଵାଇ ୧୧।୦୩; ରଣବୀର ସିଂହଙ୍କ ଫିଲ୍ମ “ଧୁରନ୍ଧର: ଦି ରିଭେଞ୍ଜ” ପାଇଁ ବଢିଯାଇଛି ଦର୍ଶକଙ୍କ କ୍ରେଜ୍ । ୨୦୨୬ର ସବୁଠାରୁ ପ୍ରତୀକ୍ଷିତ ଫିଲ୍ମଟି ୧୯ ମାର୍ଚ୍ଚ, ୨୦୨୬ରେ ପ୍ରେକ୍ଷାଳୟରେ ମୁକ୍ତିଲାଭ କରିବାର ଯୋଜନା ରହିଛି। ତଥାପି, ନିର୍ମାତା ପ୍ରଶଂସକମାନଙ୍କୁ ୧୯ ମାର୍ଚ୍ଚ ପୂର୍ବରୁ ଫିଲ୍ମ ଦେଖିବାର ସୁଯୋଗ ଦେଇଛନ୍ତି। ଯାହା ପ୍ରଶଂସକମାନଙ୍କୁ ବହୁତ ଉତ୍ସାହିତ କରିଛି।

ନିର୍ମାତା ୧୮ ମାର୍ଚ୍ଚରେ ଦର୍ଶକଙ୍କ ପାଇଁ ପେଡ୍ ପ୍ରିଭ୍ୟୁ ଶୋ’ ଆୟୋଜନ କରିବାକୁ ନିଷ୍ପତ୍ତି ନେଇଛନ୍ତି, କିନ୍ତୁ ଏଥିପାଇଁ ସିନେମା ପ୍ରେମୀଙ୍କୁ ସେମାନଙ୍କର ଟଙ୍କା ଟିକେ ଅଧିକ ଖର୍ଚ୍ଚ କରିବାକୁ ପଡିବ। ଆଶ୍ଚର୍ଯ୍ୟର କଥା ହେଉଛି, ଆଦିତ୍ୟ ଧରଙ୍କ ଏହି ଫିଲ୍ମ ପାଇଁ କ୍ରେଜ୍ ଏତେ ଜୋର୍ ରହିଛି ଯେ ପେଡ୍ ପ୍ରିଭ୍ୟୁ ରେକର୍ଡ ଭାଙ୍ଗିବା ଆରମ୍ଭ କରିସାରିଛି। ସୋମବାର ପର୍ଯ୍ୟନ୍ତ, ଟିକେଟ୍ ମୂଲ୍ୟ ୪୦୦ ରୁ ୨,୪୦୦ ଟଙ୍କା ପର୍ଯ୍ୟନ୍ତ ଥିଲା। ଏହି ପେଡ୍ ପ୍ରିଭ୍ୟୁ ଶୋ’ଗୁଡ଼ିକ ୧୮ ମାର୍ଚ୍ଚରେ ଅନୁଷ୍ଠିତ ହେବ। ମୁମ୍ବାଇରେ ଟିକେଟ୍ ମୂଲ୍ୟ ଆକାଶଛୁଆଁ, କିନ୍ତୁ ପ୍ରଶଂସକମାନେ ପ୍ରସ୍ତୁତ। ଲୋକମାନେ ଫିଲ୍ମ ଦେଖିବା ପାଇଁ ଟିକେଟ୍ ବୁକ୍ କରୁଛନ୍ତି।

ଦିଲ୍ଲୀ-ଏନସିଆରରେ ପ୍ରାୟ ସମସ୍ତ ଥିଏଟର ବୁକ୍ ହୋଇସାରିଛି, କ୍ଲାସିକ୍, ପ୍ରାଇମ୍, ଏକଜିକ୍ୟୁଟିଭ୍ ଏବଂ ଭିଆଇପି ସେକ୍ସନ୍ ସବୁ ବୁକ୍ ହୋଇଛି। ମୁମ୍ବାଇର ଏକ ସିନେମାରେ ପେଡ୍ ପ୍ରିଭ୍ୟୁ ଶୋ’ର ଟିକେଟର ମୂଲ୍ୟ ୩,୧୦୦ରେ ପହଞ୍ଚିବା ଦ୍ୱାରା ଫିଲ୍ମ ପ୍ରତି ଦର୍ଶକଙ୍କ ଉତ୍ସାହ ଅନୁମାନ କରାଯାଇପାରେ। କିଛି ଦିନ ପୂର୍ବରୁ ପେଡ୍ ପ୍ରିଭ୍ୟୁ ପାଇଁ ଆଗୁଆ ବୁକିଂ ଆରମ୍ଭ ହୋଇଥିବା ବେଳେ ସବୁଠାରୁ ମହଙ୍ଗା ଟିକେଟ୍ ୨୦୦୦ ଟଙ୍କା ଥିଲା। ଦର୍ଶକଙ୍କ ଫିଲ୍ମ ପ୍ରତି ବଢୁଥିବା ଚାହିଦାକୁ ଦେଖି ଟିକେଟ୍ ମୂଲ୍ୟ ବୃଦ୍ଧି ପାଇବାରେ ଲାଗିଛି, ଏବଂ ଟିକେଟ୍ ଏବେ ପାଖାପାଖି ୩,୦୦୦ ଟଙ୍କା ପର୍ଯ୍ୟନ୍ତ ବିକ୍ରି ହେଉଛି।

ସୌଜନ୍ୟ Prameya News7