ବିବାହର ୭ ବର୍ଷ ପୂର୍ବରୁ ୩୪ ପିଲାଙ୍କ ମା’ହୋଇ ସାରିଥିଲେ ଏହି ବଲିଉଡ୍ ଅଭିନେତ୍ରୀ

ମୁମ୍ବାଇ: ବଲିଉଡର ଅନେକ ପୁରୁଣା ଅଭିନେତ୍ରୀ ଅଛନ୍ତି ଯେଉଁମାନେ ଏବେ ବି ଲୋକଙ୍କ ହୃଦୟରେ ସ୍ଥାନ ରଖିଛନ୍ତି। ଯଦିଓ ସେମାନେ ଫିଲ୍ମଠାରୁ ଦୂରେଇ ରହିଛନ୍ତି, କିନ୍ତୁ ସେମାନେ ନିଜ ପ୍ରଶଂସକଙ୍କ ସହ ସବୁବେଳେ ଯୋଡ଼ି ହୋଇ ରହିଛନ୍ତି।  ଏପରି ଜଣେ ଅଭିନେତ୍ରୀଙ୍କ ଯିଏ ଆଜିକାଲି ଖବରରେ ଅଛନ୍ତି। ସେ ହେଉଛନ୍ତି ପ୍ରୀତି ଜିଣ୍ଟା। ଯିଏ ଶେଷ ଥର ପାଇଁ ୨୦୧୮ରେ ଫିଲ୍ମରେ ନଜର ଆସିଥିଲେ। ବର୍ତ୍ତମାନ, ସେ ତାଙ୍କ ଦଳ ପଞ୍ଜାବ କିଙ୍ଗ୍ସ ଆଇପିଏଲର ଫାଇନାଲରେ ପହଞ୍ଚିବା ଯୋଗୁ ଶିରୋନାମାରେ ଅଛନ୍ତି।

ପ୍ରୀତି ଜିଣ୍ଟା ୧୯୯୮ ମସିହାରେ ଶାହରୁଖ ଖାନଙ୍କ ଫିଲ୍ମ ‘ଦିଲ୍ ସେ’ ସହିତ ତାଙ୍କର କ୍ୟାରିଅର୍ ଆରମ୍ଭ କରିଥିଲେ। ଏହି ଫିଲ୍ମରେ ଅଭିନେତ୍ରୀ ଏକ ଛୋଟ ଭୂମିକାରେ ଅଭିନୟ କରିଥିଲେ। ଏହି ଫିଲ୍ମ ପରେ ସେ ‘କ୍ୟା କେହନା’ରେ ନଜର ଆସିଥିଲେ। ଫିଲ୍ମରେ ନିଜର ପରିଚୟ ସୃଷ୍ଟି କରିବା ସହିତ, ସେ ଲୋକଙ୍କ ହୃଦୟରେ ମଧ୍ୟ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛନ୍ତି। ୨୦୧୬ ମସିହାରେ, ଏହି ବଲିଉଡ୍ ଅଭିନେତ୍ରୀ ତାଙ୍କ ଜୀବନକୁ ଏକ ନୂତନ ମୋଡ଼ ଦେଇଥିଲେ ଏବଂ ବିବାହ କରିଥିଲେ, କିନ୍ତୁ ବିବାହର ୭ ବର୍ଷ ପୂର୍ବରୁ ସେ ୩୪ ପିଲାଙ୍କ ମା’ହୋଇ ସାରିଥିଲେ।

ଯେତେବେଳେ ସେ ତାଙ୍କର ୩୪ତମ ଜନ୍ମଦିନ ପାଳନ କରୁଥିଲେ,ସେ ସେହି ଦିନକୁ ଅଧିକ ସ୍ୱତନ୍ତ୍ର କରିଦେଇଥିଲେ। ୨୦୦୯ମସିହାରେ ସେ ୩୪ ବର୍ଷ ବୟସରେ ପଦାର୍ପଣ କରିଥିଲେ। ଏହା ସହିତ ସେ ନିଜ ଜନ୍ମଦିନରେ ୩୪ ଜଣ ଅନାଥ ପିଲାଙ୍କୁ ପୋଷ୍ୟ ସନ୍ତାନ ଭାବରେ ଗ୍ରହଣ କରିବାକୁ ନିଷ୍ପତ୍ତି ନେଇଥିଲେ। ସେମାନେ ସମସ୍ତେ ଝିଅ ଥିଲେ। ସେହି ସମୟରେ, ସେ ଏହାକୁ ଏକ ଅନନ୍ୟ ଅଭିଜ୍ଞତା ବୋଲି କହିଥିଲେ। ସେ ଏହା ମଧ୍ୟ କହିଥିଲେ ଯେ, ସେ ଏହି ସମସ୍ତ ପିଲାମାନଙ୍କର ସମ୍ପୂର୍ଣ୍ଣ ଯତ୍ନ ନେବେ ଏବଂ ସେ ବର୍ଷକୁ ଦୁଇଥର ସେମାନଙ୍କୁ ଭେଟିବା ପାଇଁ ଋଷିକେଶ ଯିବେ।

ପ୍ରୀତି ଜିଣ୍ଟାଙ୍କ ବ୍ୟକ୍ତିଗତ ଜୀବନ ବିଷୟରେ କହିବାକୁ ଗଲେ, ୨୦୨୧ ମସିହାରେ, ସେ ତାଙ୍କ ଇନଷ୍ଟାଗ୍ରାମ ମାଧ୍ୟମରେ ଲୋକମାନଙ୍କୁ ଜଣାଇଥିଲେ ଯେ, ସେ ସରୋଗେସି ମାଧ୍ୟମରେ ଦୁଇଟି ସନ୍ତାନ ଜୟ ଏବଂ ଜିୟାଙ୍କୁ ସ୍ୱାଗତ କରିଛନ୍ତି। ବର୍ତ୍ତମାନ କଥା କହିବାକୁ ଗଲେ, ସେ ଆଇପିଏଲ ଦଳ ପଞ୍ଜାବ କିଙ୍ଗ୍ସ ପାଇଁ ଶିରୋନାମାରେ ଅଛନ୍ତି।

ତାଙ୍କ ଦଳ ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୫ର ଫାଇନାଲରେ ପ୍ରବେଶ କରିଛି। ଦଳ ବିଷୟରେ କହିବାକୁ ଗଲେ, ଏହି ଦଳର ଅଧିନାୟକ ହେଉଛନ୍ତି ଭାରତୀୟ କ୍ରିକେଟର ଶ୍ରେୟସ ଆୟର। ମଙ୍ଗଳବାର  ପଞ୍ଜାବ କିଙ୍ଗ୍ସ ଦଳ ଆଇପିଏଲ ଫାଇନାଲରେ ରୟାଲ ଚ୍ୟାଲେଞ୍ଜର୍ସ(ଆରସିବି)କୁ ଭେଟିବ।

ସୌଜନ୍ୟ-ସମ୍ୱାଦ