Rahul Arunoday Banerjee died: ଶୁଟିଂ ବେଳେ ସମୁଦ୍ରରେ ବୁଡ଼ି ପ୍ରାଣ ହରାଇଲେ ଲୋକପ୍ରିୟ ବେଙ୍ଗଲି ଅଭିନେତା ରାହୁଲ ଅରୁଣୋଦୟ ବାନାର୍ଜୀ। ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ୍ ତାଳସାରୀ ସମୁଦ୍ରରେ ଏହି ଦୁର୍ଘଟଣା ଘଟିଛି। ଏକ ଧାରାବାହିକର ଶୁଟିଂ କରୁଥିବା ବେଳେ ତାଙ୍କ ବୋଟ୍ ଦୁର୍ଘଟଣାଗ୍ରସ୍ତ ହେବାରୁ ଅରୁଣୋଦୟ ସମୁଦ୍ରରେ ବୁଡ଼ି ଯାଇଥିଲେ। ଏହାପରେ ତାଙ୍କୁ ତୁରନ୍ତ ଉଦ୍ଧାର କରି ନିକଟସ୍ଥ ଡାକ୍ତରଖାନାକୁ ନିଆଯାଇଥିଲା। ସେଠାରେ ପହଞ୍ଚିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।

ମିଳିଥିବା ରିପୋର୍ଟ ଅନୁସାରେ, ରାହୁଲ ତାଲସାରୀରେ ‘ଭୋଲେ ବାବା ପାର କରେଗା’ ଧାରାବାହିକର ସୁଟିଂ ପାଇଁ ଯାଇଥିଲେ । ସୁଟିଂ ସମୟରେ ହିରୋ ହିରୋଇନ ଗୋଡ଼ ଖସି ଯିବାରୁ ପାଣିରେ ପଡିଯାଇଥିଲେ । ସଂଗେ ସଂଗେ ରାହୁଲକୁ ପାଣିରୁ ଉଦ୍ଧାର କରି ଦୀଘା ହସ୍ପିଟାଲ ନିଆଯାଇଥିଲା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏହି ଘଟଣାରେ ବେଙ୍ଗଲି ଚଳଚ୍ଚିତ୍ର ଜଗତରେ ଶୋକର ଛାୟା ଖେଳିଯାଇଛି।

ଘଟଣାର ତଦନ୍ତ କରୁଛି ପୁଲିସ

ଘଟଣା ବିଷୟରେ ଅଧିକ ସୂଚନା ସଂଗ୍ରହ କରିବା ପାଇଁ ପଶ୍ଚିମବଙ୍ଗ ପୋଲିସ ଓଡ଼ିଶାର ବାଲେଶ୍ୱର ପୋଲିସ ସହିତ ଯୋଗାଯୋଗ କରୁଛି। ଘଟଣାର ପ୍ରକୃତ କାରଣ ଏବଂ କେମିତ ଏହା ଘଟିଲା ତାହା ବୁଝିବା ପାଇଁ ସ୍ଥାନୀୟ ଅଧିକାରୀମାନେ ତଦନ୍ତ ଆରମ୍ଭ କରିଛନ୍ତି। ଏନେଇ ଏପର୍ଯ୍ୟନ୍ତ କୌଣସି ଅତିରିକ୍ତ ସୂଚନା ମିଳିପାରି ନାହିଁ।

ସିନେମା କ୍ୟାରିୟର

୧୬ ଅକ୍ଟୋବର ୧୯୮୩ ମସିହାରେ କୋଲକାତାରେ ଜନ୍ମଲାଭ କରିଥିବା ଅରୁଣୋଦୟ ବାନାର୍ଜୀ ୨୦୦୮ ମସିହାରେ ବେଙ୍ଗଲି ସିନେମାରେ ଡେବ୍ୟୁ କରିଥିଲେ।ଏହି ଚଳଚ୍ଚିତ୍ରଟି ଥିଲା ଚିରୋଦିନୀ ତୁମ୍ମି ଜେ ଆମାର। ଏହି ସିନେମାରେ ତାଙ୍କର ଜବରଦସ୍ତ ଅଭିନୟ ପାଇଁ ସେ ରାତାରାତି ପଶ୍ଚିମବଙ୍ଗଳରେ ଲୋକପ୍ରିୟ ହୋଇଯାଇଥିଲେ।

ଏହାପରେ ସେ ଲଭ୍ ସର୍କସ୍, ଶୋନୋ ମୋନ୍ ବୋଲି ତୋମାୟ, ନା ହନ୍ନ୍ୟତେ ଏବଂ କାଗୋଜେର ବୋଉ ଭଳି ଚଳଚ୍ଚିତ୍ରରେ ଅଭିନୟ କରିଥିଲେ। ସିନେମା ସହିତ ଏହି ଅଭିନେତା ସହଜ କଥା ଭଳି ଟେଲିଭିଜନ ଶୋ ଏବଂ ୱେବ୍ ସିରିଜରେ ମଧ୍ୟ ଅଭିନୟ କରିଥିଲେ। ଯାହା ତାଙ୍କୁ ବେଙ୍ଗଲି ଦର୍ଶକଙ୍କ ସହିତ ସବୁବେଳେ ଯୋଡ଼ି ରଖିଥିଲା।

ଚଳଚ୍ଚିତ୍ର ଏବଂ ଟେଲିଭିଜନରେ ଯୋଗ ଦେବା ପୂର୍ବରୁ, ରାହୁଲ ଅନେକ ଥିଏଟର ଅଭିନୟ କରି ସାରିଥିଲେ। ଏହାପରେ ସେ ଟେଲିଭିଜନରେ କ୍ୟାରିଅର କରିବାକୁ ବାଛିଥିଲେ। ଜୀ ବାଙ୍ଗଲା ଚ୍ୟାନେଲ୍‌ର ଧାରାବାହିକ ‘ଖେଲା’ରେ ସେ ଆଦିତ୍ୟ ଭୂମିକାରେ ଅଭିନୟ କରି ସଫଳତା ହାସଲ କରିଥିଲେ। ଏହି ଶୋରେ ତାଙ୍କର ଲୋକପ୍ରିୟ ଅଭିନୟ ପାଇଁ ତାଙ୍କୁ ସିନେମାରୁ ଅଫର ମିଳିଥିଲା।

ବ୍ୟକ୍ତିଗତ ଜୀବନ

ବ୍ୟକ୍ତିଗତ ଦୃଷ୍ଟିରୁ, ରାହୁଲ ଚିରୋଦିନୀ ତୁମ୍ମି ଜେ ଅମରରେ ତାଙ୍କ ସହ-କଳାକାର ପ୍ରିୟଙ୍କା ସରକାରଙ୍କୁ ବିବାହ କରିଥିଲେ। ଏହି ଦମ୍ପତିଙ୍କର ପୁଅ ନାଁ ହେଉଛି ଶୋହୋଜ। ଏହାପରେ ୨୦୧୭ରେ ଉଭୟ ପରସ୍ପର ଠାରୁ ଅଲଗା ହୋଇ ଯାଇଥିଲେ। ହେଲେ ୨୦୨୩ରେ ପୁଣିଥରେ ଏକାଠି ହୋଇଥିଲେ।

ସୌଜନ୍ୟ Prameya News7