କେଜ୍ରିୱାଲଙ୍କ ଆବେଦନରେ ଆପ୍ ମୁଖ୍ୟ ଓ ଅନ୍ୟମାନଙ୍କ ସପକ୍ଷରେ ଦିଆଯାଇଥିବା ଡିସଚାର୍ଜ ଆଦେଶ ବିରୋଧରେ ସିବିଆଇ ଆବେଦନର ଶୁଣାଣିରୁ ହାଇକୋର୍ଟର ବିଚାରପତି ସ୍ୱର୍ଣ୍ଣକାନ୍ତ ଶର୍ମାଙ୍କୁ ପ୍ରତ୍ୟାହାର କରିବାକୁ ଅନୁରୋଧ କରାଯାଇଛି
ନୂଆଦିଲ୍ଲୀ: ଦିଲ୍ଲୀ ଅବକାରୀ ନୀତି ମାମଲା ସମ୍ପର୍କରେ ଏକ ଆବେଦନ ଉପରେ ସୋମବାର ପୂର୍ବତନ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ବ୍ୟକ୍ତିଗତ ଭାବରେ ଯୁକ୍ତି ଉପସ୍ଥାପନ କରିଥିଲେ। କେଜ୍ରିୱାଲଙ୍କ ଆବେଦନରେ ଆପ୍ ମୁଖ୍ୟ ଓ ଅନ୍ୟମାନଙ୍କ ସପକ୍ଷରେ ଦିଆଯାଇଥିବା ଡିସଚାର୍ଜ ଆଦେଶ ବିରୋଧରେ ସିବିଆଇ ଆବେଦନର ଶୁଣାଣିରୁ ହାଇକୋର୍ଟର ବିଚାରପତି ସ୍ୱର୍ଣ୍ଣକାନ୍ତ ଶର୍ମାଙ୍କୁ ପ୍ରତ୍ୟାହାର କରିବାକୁ ଅନୁରୋଧ କରାଯାଇଛି। କୋର୍ଟ ସମସ୍ତ ପକ୍ଷର ଯୁକ୍ତି ଶୁଣିବା ପରେ ତାଙ୍କ ରାୟ ସଂରକ୍ଷିତ ରଖିଛନ୍ତି।
କୋର୍ଟରେ କେଜ୍ରିୱାଲ ତାଙ୍କ ଯୁକ୍ତି ରଖି କହିଛନ୍ତି ଯେ, କୋର୍ଟ ଅଭିଯୁକ୍ତମାନଙ୍କୁ ଦୋଷୀ ଓ ଦୁର୍ନୀତିଗ୍ରସ୍ତ ଭାବରେ ବ୍ୟବହାର କରିଛନ୍ତି, ଯଦିଓ ସେମାନଙ୍କୁ ମୁକ୍ତ କରାଯାଇଛି। ଜଷ୍ଟିସ ଶର୍ମା ବିଜେପି ଓ ଆର୍ଏସ୍ଏସ୍ ସହ ଜଡ଼ିତ କାର୍ଯ୍ୟକ୍ରମରେ ଚାରିଥର ଉପସ୍ଥିତ ଥିବାରୁ ପକ୍ଷପାତିତାର ଆଶଙ୍କା ରହିଛି। ପକ୍ଷପାତିତାର ଆଶଙ୍କା ଜଣେ ବିଚାରପତିଙ୍କୁ ମାମଲାରୁ ହଟେଇବା ପାଇଁ ଯଥେଷ୍ଟ। ରଞ୍ଜିତ ଠାକୁର ବନାମ ଭାରତ ସରକାରଙ୍କ ମାମଲାର ଉଦାହରଣ ଦେଇ କେଜ୍ରିୱାଲ କହିଛନ୍ତି, ବିଚାରପତି ପ୍ରକୃତରେ ପକ୍ଷପାତୀ କି ନାହିଁ ତାହା ଗୁରୁତ୍ବପୂର୍ଣ୍ଣ ନୁହେଁ ବରଂ ମକଦ୍ଦମାକାରୀ ପକ୍ଷର ଆଶଙ୍କା ଗୁରୁତ୍ବପୂର୍ଣ୍ଣ। ଅନ୍ୟପକ୍ଷରେ ସଲିସିଟର ଜେନେରାଲ ତୁଷାର ମେହେଟ୍ଟା କହିଥିଲେ, ଯଦି ଅବିଶ୍ବାସକୁ ନେଇ ବିଚାରପତିଙ୍କୁ ପ୍ରତ୍ୟାହାର କରାଯିବ, ତେବେ କୌଣସି ବିଚାରପତି ମାମଲାର ଶୁଣାଣି କରିପାରିବେ କି?
ସୌଜନ୍ୟ ସମ୍ବାଦ
