ସୋନମ ୱାଙ୍ଗଚୁକଙ୍କୁ ଜନ୍ତର-ମନ୍ତରରୁ ହଟାଯିବା ପରେ ଅଭିଜିତ ଦୀପକେଙ୍କ ବଡ଼ ଘୋଷଣା: କହିଲେ- ‘ଆଜିଠାରୁ ମୁଁ…’
ନୂଆଦିଲ୍ଲୀ,୧୮।୭: ଦିଲ୍ଲୀର ଜନ୍ତର-ମନ୍ତରରେ ଅନଶନରେ ବସିଥିବା ଆକ୍ଟିଭିଷ୍ଟ ସୋନମ ୱାଙ୍ଗଚୁକଙ୍କୁ ୨୧ତମ ଦିନରେ ଦିଲ୍ଲୀ ପୋଲିସ ସେଠାରୁ ହଟାଇ ଡାକ୍ତରଖାନା ନେଇଛି। ଏହା ସହିତ ପୋଲିସ ସେଠାରୁ ବିକ୍ଷୋଭକାରୀମାନଙ୍କୁ ମଧ୍ୟ ଚାଲିଯିବାକୁ କହିଛି।
ଦିଲ୍ଲୀ ପୋଲିସ ସ୍ପଷ୍ଟ ଭାବେ କହିଛି ଯେ, ହାଇକୋର୍ଟଙ୍କ ନିର୍ଦ୍ଦେଶ ଏବଂ ମେଡିକାଲ ବିଶେଷଜ୍ଞଙ୍କ ପରାମର୍ଶ ଅନୁଯାୟୀ, ସୋନମ ୱାଙ୍ଗଚୁକଙ୍କ ବିଗୁଡ଼ୁଥିବା ସ୍ବାସ୍ଥ୍ୟାବସ୍ଥାକୁ ଦୃଷ୍ଟିରେ ରଖି ତାଙ୍କୁ ଆବଶ୍ୟକ ଚିକିତ୍ସା ସେବା ଯୋଗାଇଦେବା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି। ଅନ୍ୟପଟେ ଦିଲ୍ଲୀ ପୋଲିସ ଜନ୍ତର-ମନ୍ତରରେ ଉପସ୍ଥିତ ଥିବା ବିକ୍ଷୋଭକାରୀମାନଙ୍କୁ ଯଥାଶୀଘ୍ର ଶାନ୍ତିପୂର୍ଣ୍ଣ ଭାବେ ସେଠାରୁ ଚାଲିଯିବାକୁ ଅପିଲ କରିଛି। ଏହି ସମୟରେ ଅଭିଜିତ ଦୀପକେ ପୁଣିଥରେ ସେଠାରେ ପହଞ୍ଚି ଯାଇଛନ୍ତି ଏବଂ ସେ କହିଛନ୍ତି ଯେ ଆଜିଠାରୁ ମୁଁ ମୋର ଅନଶନ ଆରମ୍ଭ କରୁଛି ଏବଂ ୨୦ ଜୁଲାଇରେ ମାର୍ଚ୍ଚ ମଧ୍ୟ ହେବ।
ସୋନମ ୱାଙ୍ଗଚୁକଙ୍କୁ ଜନ୍ତର-ମନ୍ତରରୁ ହଟାଇ ଦିଲ୍ଲୀ ପୋଲିସ ସଫଦରଜଙ୍ଗ ହସ୍ପିଟାଲରେ ଭର୍ତ୍ତି କରିଛି। ସେଠାରେ ଏବେ ସୋନମ ୱାଙ୍ଗଚୁକଙ୍କ ପତ୍ନୀ ଗୀତାଞ୍ଜଳି ମଧ୍ୟ ପହଞ୍ଚି ଯାଇଛନ୍ତି।
ସୌଜନ୍ୟ ଧରିତ୍ରୀ
