ଜନଶକ୍ତି ପ୍ରିମିୟର କ୍ରିକେଟ ଲିଗ, ଜନଶକ୍ତି ଡେୟାର ଡେଭିଲ୍ସ ବିଜୟୀ

ଭୁବନେଶ୍ୱର: ଜନଶକ୍ତି ଗ୍ରୁପ ଅଫ କମ୍ପାନୀ ତରଫରୁ ବାର୍ଷିକ କ୍ରିକେଟ ମହୋତ୍ସବ ନହରକଣ୍ଟାଠାରେ ଅନୁଷ୍ଠିତ ହୋଇଯାଇଛି। ଏଥିରେ ଜନଶକ୍ତି ସୁପର କିଙ୍ଗସ, ଜଶକ୍ତି ୱାରିୟର୍ସ ଏବଂ ଜନଶକ୍ତି ଡେୟାର ଡେଭିଲ୍ସ ଅଂଶଗ୍ରହଣ କରିଥିଲେ। ଉକ୍ତ ଟୁର୍ଣ୍ଣାମେଣ୍ଟରେ ଫାଇନାଲ ମ୍ୟାଚ ଜନଶକ୍ତି ୱାରିୟର୍ସ ଏବଂ ଜନଶକ୍ତି ଡେୟାର ଡେଭିଲ୍ସ ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ଜନଶକ୍ତି ଡେୟାର ଡେଭିଲ ବିଜୟୀ ହୋଇଥିଲା। ଏହାପୂର୍ବରୁ ଜନଶକ୍ତି ୱାରିୟର୍ସ ୧୨୭ ରନ କରିଥିବାବେଳେ ଏହାର ପିଛା କରି ଜନଶକ୍ତି ଡେୟାର ଡେଭିଲ୍ସ ୧୨୯ ରନ ସ୍କୋର କରି ବିଜୟୀ ହୋଇଥିଲା। ଉଦଯାପନ ଉତ୍ସବରେ ଜନଶକ୍ତି ଗ୍ରୁପର ସିଏମଡି ବିଭୂତି ବିହାରୀ ତ୍ରିପାଠୀ, ନିର୍ଦେଶକ ମଧୁଛନ୍ଦା ତ୍ରିପାଠୀ ଏବଂ ସାଧାରଣ ପରିଚାଳକ ସନ୍ତୋଷ କୁମାର ପଣ୍ଡା ଯୋଗଦେଇ ବିଜୟୀ ଟିମକୁ ଟ୍ରଫି ଓ ଆର୍ଥିକ ପୁରସ୍କାର ପ୍ରଦାନ କରିଥିଲେ। ସୌମ୍ୟ ରଞ୍ଜନ ଜେନା ମ୍ୟାଚ ପରିଚାଳନା କରିଥିଲେ।