ଖେଲୋ ଇଣ୍ଡିଆ ବିଶ୍ବବିଦ୍ୟାଳୟ କ୍ରୀଡ଼ା ରଗ୍‌ବୀରେ କିଟ୍‌କୁ ସ୍ବର୍ଣ୍ଣ, ରୌପ୍ୟ

ଭୁବନେଶ୍ୱର : ଭାରତୀୟ କ୍ରୀଡ଼ା ପ୍ରାଧିକରଣ (ସାଇ), ଭାରତୀୟ ବିଶ୍ବବିଦ୍ୟାଳୟ ସଂଘର ମିଳିତ ସହଯୋଗରେ ଉତ୍ତରପ୍ରଦେଶରେ ଚାଲିଥିବା ତୃତୀୟ ଖେଲୋ ଇଣ୍ଡିଆ​‌ ବିଶ୍ବବିଦ୍ୟାଳୟ କ୍ରୀଡ଼ାରେ କିଟ୍‌ ବିଶ୍ବବିଦ୍ୟାଳୟ ରଗ୍‌ବୀରେ ସ୍ବର୍ଣ୍ଣ ଓ ରୌପ୍ୟ ପଦକ ଜିତିଛି। କିଟ୍‌ ମହିଳା ରଗ୍‌ବୀ ଦଳ ସ୍ବର୍ଣ୍ଣ ଓ ପୁରୁଷ ଦଳ ରୌପ୍ୟ ପଦକ ଜିତିଛନ୍ତି।

ଶୁକ୍ରବାର ମହିଳା ରଗ୍‌ବୀ ଫାଇନାଲରେ କିଟ୍‌ ୫୬-୦ରେ ମୁମ୍ବଇ ବିଶ୍ବବିଦ୍ୟାଳୟକୁ ପରାସ୍ତ କରି ସ୍ବର୍ଣ୍ଣ ପଦକ ଜିତିଛି। କିଟ୍‌ ବିଶ୍ବବିଦ୍ୟାଳୟ ପୁରୁଷ ରଗ୍‌ବୀ ଦଳ ଫାଇନାଲ​‌େ​‌ର ଭାରତୀ ବିଦ୍ୟାପୀଠ ପୁଣେ ନିକଟରୁ ପରାଜିତ ହୋଇ ରୌପ୍ୟ ପଦକ ଜିତିଛନ୍ତି। ଟେନିସରେ କିଟ୍‌ ପୁରୁଷ ଦଳ ଦ୍ବିତୀୟ ମ୍ୟାଚରେ ୩-୦ରେ ରିନାଇସାନ୍‌ସ ବିଶ୍ବବିଦ୍ୟାଳୟ ଇନ୍ଦୋରକୁ ପରାସ୍ତ କରିଛି।

ମହିଳାରେ କିଟ୍‌ ଓ ଏସ୍‌ଆରଏମ୍‌ ବିଶ୍ବବିଦ୍ୟାଳୟ ଚେନ୍ନଇ ମଧ୍ୟରେ ଖେଳାଯାଇଥିବା ମ୍ୟାଚ ୧-୧ ବରାବରରେ ଶେଷ ହୋଇଛି। ସନ୍ତରଣରେ ଉତ୍କଳ ବିଶ୍ବବିଦ୍ୟାଳୟର ପ୍ରତ୍ୟାଶା ରାୟ ୧୦୦ ମିଟର ବ୍ୟାକଷ୍ଟ୍ରୋକରେ ସ୍ବର୍ଣ୍ଣ, ୪୦୦ ମିଟର ଫ୍ରି ଷ୍ଟାଇଲରେ ରୌପ୍ୟ ପଦକ ଜିତିଛନ୍ତି। ମହିଳା ହକିରେ ସମ୍ବଲପୁର ବିଶ୍ବବିଦ୍ୟାଳୟ ମହାତ୍ମା ଗାନ୍ଧୀ କାଶୀ ବିଦ୍ୟାପୀଠ ବାରାଣାସୀକୁ ୧-୦ ଗୋଲରେ ପରାସ୍ତ କରିଛି। ରଗ୍‌ବୀରେ ସ୍ବର୍ଣ୍ଣ ଜିତିଥିବା କିଟ୍‌ ମହିଳା ଦଳ ରୌପ୍ୟ ବିଜୟୀ ପୁରୁଷ ଦଳ ସମେତ ପ୍ରତ୍ୟାଶା ରାୟଙ୍କୁ କିଟ୍‌ ଓ କିସର ପ୍ରତିଷ୍ଠାତା ସାଂସଦ ଡ. ଅଚ୍ୟୁତ ସାମନ୍ତ ଶୁଭେଚ୍ଛା ଜଣାଇଛନ୍ତି।